Sveçla: Vuçiq gënjeu për Policinë e Kosovës, gjatë konferencës pati shtrembërime të qëllimshme

Ministri i Punëve të Brendshme, Xhelal Sveçla, ka reaguar mbi deklaratën e presidentit serb, Aleksandër Vuçiq, në lidhje me Policinë e Kosovës.

Sipas Sveçlës, presidenti serb ka gënjyer dhe se gjatë konferencës së tij, të dielën e 21 gushtit, ka pasur shtrembërime të qëllimshme.

“Ministri propagandues i Millosheviqit, Vuçiq në konferencën e sotme ka gënjyer për policinë e Kosovës. Një zotim nga e kaluara se Ushtria e Kosovës (FSK), nuk mund të shkojë në veri pa pëlqimin e KFOR-it është shtrembëruar qëllimisht. Policia e Kosovës është e autorizuar të sigurojë sundimin e ligjit dhe sigurinë për të gjithë qytetarët përreth Republikës së Kosovës”, ka shkruar ai.

Lexo po ashtu Vuçiq tregon gjashtë pikat e marrëveshjes përfundimtare të propozuara nga Kosova

Ministri i Punëve të Brendshme, Xhelal Sveçla të shtunën e 20 gushtit së bashku me zëvendësministrin Bardhyl Dobra ka realizuar vizitat e rregullta në komunat veriore të Republikës së Kosovës.

Sveçla thotë se nga takimet e shumta me pjesëtarët e Policisë së Kosovës dhe KFOR-it kuptuan se situata në këto komuna është e qetë dhe stabile.

Milosevic’s Min. of Propaganda, Vucic, at today's conf lied abt KP. A commitment from the past that the Kosova Army (KSF) cannot go to north without concurrence of COMKFOR is deliberately distorted. KP is authorized to secure rule of law & safety for all citizens all around RKS.

— Xhelal Sveçla (@XSvecla) August 21, 2022