Pelosi: Kina nuk do t’ia bëjë planin e udhëtimeve SHBA-së

Nany Pelosi që është në krye të Kongresit amerikan, ka deklaruar sot se Kina nuk do t’i bëjë planin e udhëtimit për Shtetet e Bashkuara, duke aluduar në vizitën e saj të fundit në Tajvan që ishte në kuadër të turneut në Azi.

“Nuk do të lejojmë izolimin e Tajvanit. Ata nuk e bëjnë planin tonë të rrugëtimit, partneriteti i SHBA-ve dhe Tajvanit është shumë i fortë”, shtoi Pelosi, transmeton Telegrafi.

Ajo pretendon se Kina ka tentuar ta izolojë Tajvanin, dhe se vizita e saj në Taipei ishte “si kundërpërgjigje ndaj stërvitjeve ushtarake në afërsi të këtij ishulli”.

Lexo po ashtu Kina do të sanksionojë Nancy Pelosin për shkak të vizitës në Tajvan

“Kina ka tentuar ta izolojë Tajvanin. Ata ndoshta mund të tentojnë që të parandalojnë Tajvanin të merr pjesë në vende tjera, por jo edhe ta izolojnë, pasi do të parandalojmë një gjë të tillë”, tha Pelosi në Tokio gjatë fundit të vizitës së saj në Azi.

Zyrtarja e lartë amerikane ka bërë të ditur nga fillimi se vizitës se delegacioni amerikan në Tajvan, nuk ka për qëllim të ndryshojë status quo-në në Azi apo të Tajvanit.

“Qëllimi im është të sigurohemi për paqe në ngushticën e Tajvanit”, tha ajo për fund. /Telegrafi/