VAR-i akordoi një penallti të çuditshme kundër Rangers, tifozët skocezë shumë të zemëruar me vendimin

Tifozët e klubit skocez, Rangers, mbetën të zemëruar pasi një vendim i diskutushëm i VAR-it shkoi kundër tyre në humbjen e tyre tronditëse 2-0 ndaj Union Saint-Gilloise.

Klubi belg shkon në Glasgow javën e ardhshme me një avantazh prej dy golave pas fitores së madhe në shtëpi gjatë të martës, ndërsa ata kërkojnë të sigurojnë një vend në grupet e Ligës së Kampionëve.

Por, ata patën një ndihmë të vogël nga disa gjyqtarë të dyshimtë kur gjyqtari i ndeshjes vendosi të tregojë ‘veten’ pas një rishikimi të VAR-it.

Një lojtar i USG-së goditi topin i cili u ndal nga Ben Davies, ndërsa në tollovi e sipër u prek në dorën e Connor Goldson në një zonë shumë të ngushtë.

Megjithatë, Goldson u gjykua se kishte mbajtur topin, me gjyqtarin që akordoi një penallti – e cila u shndërrua me sukses për rezultat 2-0.

FULL-TIME: Royale Union Saint-Gilloise 2-0 Rangers

Not our night in Belgium. Back to Ibrox next Tuesday for the second-leg. pic.twitter.com/VHXysyMk9h

— Rangers Football Club (@RangersFC) August 2, 2022

Vendimi për të dhënë penallti zemëroi tifozët e Rangers, të cilët reaguan të irrituar në rrjetet sociale.

“Gjyqtari donte të bënte emër. Si mund të vendosë dikush që ka parë ndonjëherë 2 minuta futboll se është një penallti”, shkroi një tifoz.

“Nuk kam parë një vendim më të keq në jetën time”, “Ky është një vendim tronditës”, dhe “Si mund të jetë kjo një penallti”, ishin disa komente tjera.

Skuadra e Giovanni van Bronckhorst përballet me një sfidë të vështirë nëse duan të rezervojnë vendin e tyre në Ligën e Kampionëve.

Rangers pret USG të martën e ardhshme në Ibrox, ndërsa ata kërkojnë të kthejnë deficitin e ndeshjes së parë. /Telegrafi/