Mushkonjat e bëjnë Putinin të ‘zbulojë problemet e tij shëndetësore’!

Shëndeti i Vladimir Putinit është vënë sërish në pikëpyetje pasi së fundmi janë shfaqur pamjet e reja të presidentit rus në dukje të paaftë për të përdorur krahun e djathtë.

Sipas mediave të huaja, përcjell Telegrafi, videoja ka kapur momentin kur Putini, 69 vjeç, bëri një vizitë në një muze ushtarak si pjesë e një fundjave festash për Ditën e Marinës së Rusisë, të festuar të dielën e fundit të çdo korriku.

Aty shefi i Kremlinit shihet duke folur me Ksenia, vajzën e ministrit të mbrojtjes Sergei Shoigu, kur mushkonjat fillojnë të gumëzhinin në anën e djathtë të fytyrës së tij.

Dhe aty, Putini ngre krahun e tij të majtë në një përpjekje për t’i larguar ato, ndërsa krahu i tij i djathtë “qëndron i varur” nga ana e tij.

Ai vazhdon të kruhet dhe të përkëdhel kokën me njërin krah përpara se të ecë përkrah Ksenias me një çalim të lehtë ndërsa ajo vazhdon turneun e saj.

Kjo video është e fundit në një sërë videosh që duket se tregojnë presidentin rus duke çaluar – dhe jo vetëm.

Ka pasur spekulime të përhapura mbi rënien e dukshme të shëndetit të Putinit muajt e fundit, me burime të ndryshme që sugjerojnë se despoti po lufton me një sërë vuajtjesh si kanceri dhe Parkinson.

Kanali Telegram General SVR, i cili pretendon se operohet nga një ish-oficer i Shërbimit të Inteligjencës së Jashtme të Rusisë, ka raportuar prej kohësh për gjendjet e supozuara shëndetësore të Putinit dhe së fundmi sugjeroi se ai ndonjëherë zëvendësohet nga një trup i dyfishtë për paraqitjet publike në periudha veçanërisht të dobëta shëndetësore.

Një teorie të tillë iu bë jehonë nga kreu i inteligjencës ushtarake ukrainase, i cili spekuloi se një i ngjashëm mund të ishte përdorur për mbërritjen e tij në një udhëtim të fundit në Teheran.

Kjo ishte vetëm hera e dytë që Putin ishte jashtë vendit që nga fillimi i pushtimit brutal të Ukrainës më shumë se pesë muaj më parë. /Telegrafi/