Ministria e Shëndetësisë dhe mjekët familjarë në Shkup ende pa marrëveshje për Covid ambulantat e reja

Lajmi i fundit është propozimi i Komisionit për Sëmundje Infektive për hapjen e pesë klinikave për Covid-19 në qendrat shëndetësore në Shkup, si poliklinikat në: Idadija, Gjorçe Petrov, Jane Sandanski, Çento dhe Çair.

Mjekët familjarë duhet të mbajnë ndrrime në to dhe ideja me hapjen e tyre është të ulet presioni në qendrat për kontrolle familjare dhe të thjeshtohet trajtimi i pacientëve dhe testimi i qytetarëve që kanë simptoma të Covid të bëhet me analiza të shpejta antigjenike.

Njoftimet e fundit ishin se autoambulancat do të hapen këtë javë, por Ministria e Shëndetësisë nuk ka një përgjigje konkrete se kur do të ndodhë realisht kjo.

Nga aty as nuk japin përgjigje nëse po mendojnë edhe një zgjidhje alternative me ambientet e mjekëve në ato klinika.

Mjekët familjarë janë kundër këtij propozimi dhe mendojnë se duhet rishqyrtuar e gjithë situata, sepse sipas tyre, nuk është koha për të marrë vendime të tilla të nxituara gjatë pushimeve dhe kur objektet spitalore nuk janë të mbingarkuara.

Mjekja Lilija Çolakova-Dervishova, kryetarja e Shoqatës së Mjekëve Privatë, thotë se gjatë ditës së nesërme do të kenë takime edhe me përfaqësues të Ministrisë së Shëndetësisë, Shtëpisë së Shëndetit – Shkup si dhe Fondit të Shëndetësisë për të gjetur zgjidhje për këtë propozim të Komisioni për Sëmundjet Infektive.

“Ne nuk refuzojmë punën dhe do të vazhdojmë të ekzaminojmë dhe trajtojmë pacientët me Covid si më parë, por në zyrat tona, jo në ambulancat e shpallura. Nëse një mjek i familjes është me turn në klinikën e tij dhe duhet të punojë në një klinikë Covid, pyetja është se kush do t’u shërbejë pacientëve të tij. Ne punojmë edhe në departamentin e administratës, lëshojmë receta, regjistrojmë pushimin mjekësor, nëse nuk i tregojmë pacientit atë ditë, ai mund të humbasë punën. Edhe një herë, Komisioni duhet të shqyrtojë nëse është koha për të destabilizuar kujdesin parësor shëndetësor”, tha mjekja Çolakova Dervishova.

Sipas saj, mjekët e familjes kanë barrën më të madhe në pandeminë e Covid-19 dhe ky projekt do të rëndojë edhe më tej sistemin e kujdesit shëndetësor parësor.

“Ndoshta duhet gjetur një zgjidhje tjetër. Mund të përfshihen mjekë të rinj që kanë detyrimin të kalojnë gjashtë muaj në një qendër vaksinimi ose në një ambulancë. Dhe janë një alternativë e përshtatshme”, përfundoi ajo.

Në kryeqytet punojnë rreth 470 mjekë familjarë.