Francesco Totti ndahet nga bashkëshortja pas 17 vitesh martesë

Futbollisti legjendar italian, Francesco Totti dhe gruaja e tij një prezantuese televizive, Ilary Blasi janë ndarë pas 17 vitesh martesë mes thashethemeve se ai ka një lidhje tjetër.

Çifti i fuqishëm i Romës, të cilët ndryshe janë quajtur edhe ‘Posh dhe Becks’ të Italisë bashkë kanë tre fëmijë dhe janë në lidhje që nga viti 2002.

Por lajmi për ndarjen e tyre ka tronditur Italinë me pretendimet se futbollisti ikonë e tradhtoi prezantuesen me Noemi Bocchi, një luleshitës 34-vjeçare që është një fanse e madhe e Romës, shkruan DailyMail.

Thashethemet që qarkullojnë në internet sugjerojnë gjithashtu se Blasi ka pasur një lidhje me një biznesmen italian të paidentifikuar, me të cilin ajo takohet gjatë xhirimeve të Big Brother.

Blasi lëshoi ​​një deklaratë ku njoftoi fundin e lidhjes së tyre mbrëmë, duke thënë: “Pas 20 vitesh së bashku dhe tre fëmijëve të mrekullueshëm, martesa ime me Francescon ka përfunduar”.

“Megjithatë, procesi i ndarjes do të mbetet një çështje private dhe nuk do të bëj asnjë deklaratë të mëtejshme. I ftoj të gjithë të shmangin spekulimet dhe mbi të gjitha të respektojnë privatësinë e familjes sime”, thuhet tutje në deklaratën e saj.

Ndërkohë Totti shtoi në deklaratën e tij: “Unë u përpoqa të kapërceja krizën e martesës sime, por sot e kuptoj që zgjedhja e ndarjes, edhe pse e dhimbshme, është e pashmangshme. Gjithçka që kam thënë dhe bërë në muajt e fundit është thënë dhe bërë për të mbrojtur fëmijët tanë, të cilët do të jenë gjithmonë prioriteti kryesor në jetën time”.

“Unë do të vazhdoj të jem pranë Ilaryt në rritjen e tre fëmijëve tanë të mrekullueshëm, duke respektuar gjithmonë gruan time. Unë besoj në respektin maksimal për privatësinë tonë, veçanërisht për qetësinë e fëmijëve tanë”, tha tutje Totti.

Totti, 45 vjeç, luajti për Romën gjatë gjithë karrierës së tij 25-vjeçare dhe gëzon një status si kulti në kryeqytetin italian pasi shënoi 250 gola, duke mbajtur rekordin për më shumë paraqitje dhe më shumë gola për klubin.

Blasi, një modele e kthyer në prezantuese e quajtur Mbretëresha e Romës, ka drejtuar versionin italian të “Top of the Pops” dhe “Survivor” dhe madje ka huazuar zërin për një personazh në ‘The Simpsons”.

Ndarja dramatike vjen pas muajsh spekulimesh rreth çiftit të listës A, dhe ata u detyruan të mohojnë në shkurt se ishin në prag të një ndarjeje.

Futbollisti u martua me ish-konkurrenten e ‘Miss Italia’ në një dasmë të profilit të lartë në Romë në vitin 2005, e cila u transmetua në televizion në Itali.

Totti kishte fituar kampionatin e tij të vetëm në Serie A një vit përpara se të takoheshin, dhe ai do të vazhdonte të ndihmonte Italinë të fitonte Kupën e Botës në 2006.

Lexo po ashtu Të gjitha lajmet nga Francesco Totti

Ata kanë një djalë, Cristian, 16 vjeç, dhe dy vajza Chanel, 15 vjeçe dhe Isabel, gjashtë.

Cristian tani është pjesë e akademisë së Romës, duke shpresuar të ndjekë hapat e babait të tij, megjithëse Francesco kishte bërë tashmë debutimin e tij në klub në moshën e tij. /Telegrafi/