Kusari, Petkoviqit: Kurdo që Serbia është e gatshme për njohje, të lajmërojë

Shefja e Grupit Parlamentar të Lëvizjes Vetëvendosje, Mimoza Kusari-Lila, i ka reaguar kryenegociatorit të palës serbe në dialogun Kosovë-Serbi, Petar Petkoviq.

Në një postim në Twitter, tha se kurdo që Serbia është gati për njohjen, të lajmërojë, pasi Kosova, është gati.

“Kur të jeni gati, Petar Petkoviq, për një marrëveshje të bazuar në njohje të ndërsjellë, siç u ka thënë Kancelari i Gjermanisë Olaf Scholz, dhe Parlamenti Evropian, na tregoni, ne jemi gati”, ka shkruar në Twitter, Kusari.

Kusari këtë reagim e ka bërë pasi kryenegociatori i palës serbe, Petar Petkoviç, kishte thënë se Kosova nuk dëshiron të dialogojë.

“Kur Mimoza Kusari-Lila thotë se kompromisi me Serbinë është i pamundur, do të thotë se Kosova nuk do të dialogojë” kishte shkruar në Twitter, Petkoviq.

Sipas tij, e vetmja alternativë ndaj dialogut dhe kompromisit është tensioni në terren, dhe ajo është çfarë dëshiron Albin Kurti.

“Serbia do të ruajë paqen dhe stabilitetin, pavarësisht ëndrrave militante të Kosovës”, tha ai.

Kosova kërkon njohje të ndërsjellë, ndërsa këtë kërkesë poashtu e ka përkrahur Parlamenti i Evropian, nëpërmjet një rezolute ku kërkojnë që dialogu për normalizim të marrëdhënieve mes Kosovës dhe Serbisë të jetë i “bazuar në njohje të ndërsjellë” dhe jo siç po pretendon Serbia që të këtë vetëkompromis.

Kryeministri Albin Kurti kishte thënë se nocioni ‘Kompromis’ në fjalorin e tij politik nuk ekziston, dhe ka sqaruar se të gjitha kompromiset janë shpenzuar me pranimin e Planit të Ahtisaarit.

When you’re ready @PetkovicPetar for an agreement based on MUTUAL RECOGNITION, as you were told by @Bundeskanzler and were requested by the @Europarl_EN let us know, we are ready!

— Mimoza Kusari (@mimozakusari) July 10, 2022

Хајмо испочетка @mimozakusari
јер ништа не разумете. Дијалог се не води о вашим сновима и жељама, већ о нормализацији односа, на основу одлуке УН из 2010. У дијалогу наш однос је асиметричан, јер је САМО Србија чланица УН и тако ће остати! А сад мало о реалности – формирајте ЗСО! https://t.co/OIMFY4YRRA

— Петар Петковић (@PetkovicPetar) July 10, 2022