OBRM-PDUKM: Me propozimin francez, Maqedonia fiton vetëm asimilim dhe negociata pa fund

Partia opozitare maqedonase OBRM-PDUKM, ka ritheksuar edhe një herë se nuk do të lejoj që propozimi francez të miratohet.

Ata i kanë quajtur partnerët e koalicionit qeveritar si tradhetar të cilët e dërgojnë Maqedoninë drejt asimilimit.

“Qeveria e LSDM-së dhe BDI-së po gënjejnë opinionin maqedonas. Prej ditësh ata manipulojnë dhe fshehin atë që përmban protokolli i rënë dakord me Bullgarinë, ose raportin vjetor, një dokument që është vendimtar gjatë negociatave. Pikërisht në këtë dokument janë rregulluar të gjitha kërkesat kryesore të Bullgarisë dhe janë inkuadruar në kornizën e negociatave. Duke qenë se qeveria po e fsheh, informacionin për këtë dokument e mësojmë nga mediat e huaja. Ky protokoll parasheh detyrime specifike të Maqedonisë ndaj Bullgarisë, duke diktuar se kur dhe cili tekst duhet të ndryshohet, duke diktuar se cili mësim për një ngjarje apo personazh historik duhet të ndryshohet, duke diktuar se cili monument duhet të shpjegohet me një mbishkrim, duke na akuzuar për gjuhë të urrejtjes dhe të ngjashme. momente të tjera poshtëruese për Maqedoninë që çojnë në asimilim”, thuhet nga OBRM-PDUKM

OBRM-PDUKM thotë se protestat e partisë janë zëri më i fuqishëm që kundërshton propozimin francez.

“Qeveria ngutet me gjoja konsultimet. Prandaj e kanë nxituar diskutimin parlamentar, i cili nuk ka absolutisht asnjë lidhje me procesin, sepse është një konferencë ndërqeveritare. I vetmi rol real që do të ketë Parlamenti është kur duhet të votojë pas një tjetër shantazhi për fillimin e negociatave, dhe ai është ndryshimi i Kushtetutës.Një shumicë e madhe e popullit u thotë jo diktateve, ultimatumeve dhe asimilimeve të tilla. Populli e di se me pranimin e një propozimi të tillë, Qeveria merr vetëm një foto, kurse Maqedonisë ose negociata pa fund ose asimilim. Prandaj populli masiv”, thuhet në deklaratën e OBRM-PDUKM-së.

Ndryshe, sot për shkak të festës së Kurban Bajramit, protestat janë pezulluar.

Të njejtat pritet të vijojnë sërish nga dita e nesërme.