Çipi A16 do të jetë i disponueshëm vetëm për disa modele të iPhone 14

Çipi A16 do të jetë i disponueshëm vetëm për disa modele të iPhone 14

Ndërsa i afrohemi shpalljes së shtatorit të modeleve të gjeneratës së ardhshme të iPhone, gjithnjë e më shumë detaje po dalin rreth tyre. Këtë herë analisti Ming-Chi Kuo ka informacione të rëndësishme.

Seria e ardhshme e iPhone pa dyshim do të përdorë çipin e ri Apple A16. Megjithatë, sipas Kuo, procesori i lartpërmendur do të fuqizojë vetëm modelet Pro brenda serisë së iPhone.

Kjo do të thotë se modelet iPhone 14 Pro dhe iPhone 14 Pro Max do të fuqizohen nga chipset Apple A16, ndërsa modelet standarde pa Pro në emër do të përdorin chipset A15 që kanë modelet aktuale të iPhone.

Kuo thekson se kjo do të çojë gjithashtu në disa ndryshime në përmasat e transportit dhe prodhuesit e disa komponentëve të iPhone Pro do të përfitojnë nga strategjia e re.

Analisti i ekosistemit Apple përmend se kjo do të jetë qasja që Apple do të aplikojë në të ardhmen. Kjo do të thotë që të gjitha modelet e reja të iPhone do të përdorin një çip të gjeneratës së re nëse mbajnë etiketën Pro.

Nga ana tjetër, modelet standarde do të qëndrojnë në çipat e gjeneratës së mëparshme, me optimizime dhe përmirësime të mundshme shtesë. /Telegrafi/