Imazhi i foshnjës me maskë që i mbulon fytyrën bëhet viral në rrjetet sociale

Një fotografi e një foshnjeje në aeroplan që ka një maskë që i mbulon fytyrën me vrima të prera te sytë ka ndezur një debat të egër në internet.

Fotoja që atëherë është bërë virale dhe derisa shumë lavdërojnë nënën që përpiqet të mbrojë fëmijën e saj nga COVID-19 të tjerë pretenduan se ishte ‘abuzim i fëmijës’, transmeton Telegrafi.

Por fotografi që kapi imazhin në një fluturim të Air New Zealand nga Auckland në Wellington më 1 korrik, tha se ishte një ‘ndërveprim super i ëmbël’ dhe nuk kishte asgjë të keqe.

‘Fëmija ishte plot gëzim, duke kërcyer përreth dhe duke qeshur. E bëri pritjen për të zbritur nga avioni pak më argëtuese”, tha ai.

Megjithatë, disa komentues në internet ishin të tronditur nga imazhi, ku njëri tha: “Nëse do ta shihja këtë në një fluturim, do ta hiqja maskën nga ajo vetë”.

Të tjerë thanë se fotografia ishte ‘shumë e trishtueshme’ dhe pretenduan se ishte ‘e rrezikshme t’i mbuloje vrimat e frymëmarrjes si në këtë rast’.

Thuhet se maska nuk ishte e vendosur aq ngushtë rreth fytyrës së foshnjës. /Telegrafi/