Pacolli i replikon Deliut: Shkollat e spitalet që i keni ndërtua s’kanë qasje në ujë të pijshëm

Replika e ironizime mes deputeteve të LVV-së e PDK-së pas vendimit të Qeverisë për lokalet e gastronomisë.

Të hënën, Qeveria ka marrë vendim që lokalet e gastronomisë të shërbejnë edhe ujë nga çezma për klientët.

Ndaj kësaj duke ironizuar ka reaguar deputetja e PDK-së, Blerta Deliu.

Përmes një shkrimi në llogarinë e saj në Facebook, Deliu ka thënë se nga qeveria e PDK-së që ndërtonte autostrada, shkolla, spitale e rriste rroga, Kosova ka rënë në Qeverinë e Albin Kurtit që merr vendim që lokalet të shërbejnë ujë.

Por kjo deklaratë e deputetes së PDK-së, nuk ka kaluar pa u vënë re nga deputetët e shumicës në Kuvend.

Lexo po ashtu Deliu: Nga Qeveria e PDK-së që ndërtonte shkolla e autostrada, në Qeverinë e Kurtit që merret me ujin e lokaleve

Deputetja e LVV-së Fitore Pacolli, i ka bërë një replikë nga distanca deputetes së PDK-së.

Ajo thotë se shkollat, spitalet e objektet tjera publike që janë ndërtuar gjatë qeverisjes së PDK-së nuk kanë qasje në ujë të pijes.

Lexo po ashtu Qeveria obligon lokalet e gastronomisë të shërbejnë edhe ujë nga çezma

“A e din deputetja e PDK-ës që shkollat, spitalet e qendrat e mjekësisë familjare që kanë ndërtuar nuk kanë qasje në ujë të pijes?. Fëmijët dhe pacientët detyrohen me ble ujin ose me u dehidru”.

Pacolli madje nuk e ka lënë me kaq duke bërë edhe akuza për korrupsion ndaj qeverisjeve të kaluara.

“Keni investu aty ku keni pas mundësi me vjedh .Kaq për qeveritë e kaluara”, ka shkruar tutje Pacolli./Telegrafi/