Ish-shefi i divizionit të makinave sportive të Nissan bëhet drejtori i ri ekzekutiv i Caterham
Ish-shefi i divizionit të makinave sportive të Nissan, Bob Laishley, u bë drejtor ekzekutiv i Caterham Cars, duke zëvendësuar Graham Macdonald, i cili po pensionohet pas 15 viteve që ishte pjesë i Caterham, 10 nga të cilat e kreu detyrën e shefit ekzekutiv.
Ngritja e Laishley në detyrë si kreu i kompanisë, vjen vetëm një vit pasi u bë pjesë e bordit si zyrtar kryesor strategjik pas blerjes së Caterham nga grupi japonez i shitjes me pakicë VT Holdings.
Para kësaj, Laishley për gjashtë vite ishte udhëheqës i divizionit të veturave sportive të Nissan Nismo, dhe si mbikëqyrës i linjave të modeleve Nissan 370Z dhe Nissan GT-R, transmeton Telegrafi.
Ndryshimi në menaxhim vije pas vitit më të suksesshëm në shitje të Caterham, ku pati ngritje të shitjeve prej 41 për qind në krahasim me nivelin e para pandemisë, ku 670 variante të Caterham Seven dolën në shitje nga fabrika në Dartford të Kent.
Laishley për Autocar tha: “Dua që të falendërojë Graham në emër të të gjithëve në Caterham për punën e tij që ai e ka bërë këto 15 vitet e fundit”.
“Ai po largohet nga firma duke e lënë atë në një pozicion të favorshëm pas vitit tonë më të suksesshëm të shitjeve, dhe kërkesën rekorde për modelin Seven”, deklaroi Laishley. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251