Gjermania hyn në fazën 2 të planit të saj emergjent të gazit pasi Rusia ngadalëson furnizimin. Gjermania kërkon të reduktojë kërkesën për gaz për të shmangur mungesat afatgjata, ndërsa Rusia po ngadalëson furnizimin me gaz. Si rezultat, çmimi i gazit për konsumatorët mund të rritet edhe më shumë.
Ministri gjerman i Ekonomisë, Robert Habeck njoftoi të enjten se vendi do të hyjë në fazën 2 të planit të tij të emergjencës me tre faza të gazit.
Avancimi në nivelin e “alarmit” vjen pasi Rusia, furnizuesi më i madh i gazit në Gjermani, kërcënon të ndalojë furnizimin me gaz në kuadër të tensioneve të lidhura me pushtimin e Ukrainës nga Moska.
Çfarë do të thotë faza 2?
Në Fazën 2, kompanive të shërbimeve u lejohet teorikisht t’i përcjellin çmimet e larta tek klientët, duke ndihmuar në uljen e kërkesës për të shmangur mungesat afatgjata të furnizimit. Megjithatë, kjo nuk do të ndodhë automatikisht, pasi do të kërkojë miratimin zyrtar të Agjencisë Federale të Rrjetit (Bundesnetzagentur), e cila është autoriteti rregullator për gazin dhe energjinë elektrike.
Shpallja e Fazës 2 është një parakusht për planet e qeverisë për të aktivizuar më shumë termocentrale me qymyr, që të shmanget përdorimi i gazit në prodhimin e energjisë.
Vetëm në fazën 3, në nivelin e “emergjencës”, do të lejohej Bundesnetzagentur të raciononte gazin. Familjet kanë mbrojtje të posaçme dhe do të merrnin gaz për aq kohë sa të jetë e mundur, kurse industria do të përballej me mungesa. Spitalet, objektet e kujdesit spitalor, objektet e kujdesit dhe mbështetjes për personat me aftësi të kufizuara, si dhe zjarrfikësit, policia dhe forcat e armatosura do të kishin gjithashtu status të mbrojtur.
Gjermania është në fazën 1 të planit të saj emergjent që nga fundi i marsit, raporton dw.
Javën e kaluar, furnizuesi rus Gazprom reduktoi furnizimet përmes gazsjellësit Nord Stream 1 në vetëm 40% të kapacitetit dhe ekspertët thonë se është vetëm çështje kohe para se furnizimi të ndërpritet plotësisht.
Çfarë tha ministri i Ekonomisë?
Habecku e quajti situatën “serioze”. Ai tha se ndërprerja e furnizimit me gaz nga Rusia ishte “një sulm ekonomik ndaj nesh”.
Ai tha se presidenti rus Vladimir Putin donte të mbillte pasiguri, të rriste çmimet dhe të krijonte mosmarrëveshje.
“Ne jemi në një krizë gazi,” tha ministri gjerman i Ekonomisë. “Që tani e tutje, gazi është një mall me mungesë. Çmimet janë tashmë të larta dhe duhet të presim rritje të mëtejshme,” shtoi ai.
Sipas tij, prioritet kryesor tani është mbushja e depozitave.
Po kërkohen furnizues alternativë dhe po zhvillohen burimet të rinovueshme të energjisë, shtoi ai, duke bërë thirrje gjithashtu për më shumë përpjekje për të kursyer gazin.
Lufta Prigozhin - Putin
Më shumë"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Florin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
Pasuria e guvernatorit të BQK-së, drejtorit ATK-së dhe drejtorit të Doganës
Evapify - Pasagjeri yt i përhershëm
U hap panairi Horeca, "Zgjidhje për çdo shef" - Një sinjal pozitiv për gastronominë dhe hotelerinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë