Ministrja austriake për Evropë kërkon liberalizimin e vizave për Kosovën 

Ministrja për Evropë e Austrisë, Karoline Edtstadler ka reaguar sot pasi Komisioni Evropian rekomandoi për Ukrainën statusin e kandidatit për në Bashkimin Evropian, duke thënë se nuk duhet të përdoren standarde të dyfishta, derisa kërkoi që Kosovës t’i jepet liberalizimi i vizave.

Edtstadler ditë më parë ishte takuar me ministren e Punëve të Jashtme të Kosovës, Donika Gërvalla, ndërkaq sot në një postim në Twitter shkruan se mbajtja e premtimeve është një çështje sigurie për Evropën dhe një çështje e besueshmërisë së Bashkimit Evropian.

“Sot, Komisioni Evropian prezantoi opinionin e tij për aplikimin për anëtarësim të Ukrainës, Moldavisë dhe Gjeorgjisë. Këto tani duhet të analizohen në detaje gjatë ditëve në vijim.

Është e qartë se nuk duhet të ketë standarde të dyfishta në procesin e anëtarësimit. Për sa i përket Ballkanit Perëndimor në veçanti, mbajtja e premtimeve tona është një çështje sigurie për Evropën dhe një çështje e besueshmërisë së Bashkimit Evropian.

Kjo kërkon statusin e kandidatit për Bosnje-Hercegovinën, fillimin e negociatave të anëtarësimit me Shqipërinë dhe Maqedoninë e Veriut dhe liberalizimin e vizave për Kosovën”, shkruan ajo.

Ndryshe, më 25 maj ministrja e Punëve të Jashtme dhe Diasporës, Donika Gërvalla gjatë një vizite në Austri kishte takuar ministren austriake për Evropë dhe Kushtetutë, Karoline Edtstadler. /Telegrafi/

Today, the @EU_Commission presented its opinion on the membership application of Ukraine, Moldova and Georgia. These will now have to be analyzed in detail over the next few days.1/3

— Karoline Edtstadler (@k_edtstadler) June 17, 2022

It is clear that there must be no double standards or even first and second class candidates in the accession process. Concerning the Western Balkans in particular, keeping our promises is a question of security for Europe & a question of the credibility of the European Union.2/3

— Karoline Edtstadler (@k_edtstadler) June 17, 2022

This requires candidate status for Bosnia-Herzegovina, start of accession negotiations with Albania and North Macedonia and visa liberalization for Kosovo.3/3

— Karoline Edtstadler (@k_edtstadler) June 17, 2022