Wimbledon do të mbahet për herë të parë në histori pa dy tenisistët më të mirë në botë

Më 27 qershor nis Grand Slami i tretë i sezonit, ai i Wimbledon dhe për herë të parë në historinë e këtij turneu është krijuar një precedent thuajse i pabesueshëm në tenis.

Domethënë, që nga viti 1973, kur u krijua lista e ATP-së, nuk ka ndodhur asnjëherë që tenistët me renditjen më të mirë të mos marrin pjesë në Grand Slamin prestigjioz në bar.

Për herë të parë në histori, dy tenistët më të mirë në botë të ranguar nuk do të garojnë në Londër.

Sitting pretty on the Hill 🤩#Wimbledon pic.twitter.com/erSQB5yeiw

— Wimbledon (@Wimbledon) June 16, 2022

Pra Danil Medvedev dhe Alexander Zverev nuk do të marrin pjesë në Wimbledon këtë vit.

Tenistit të parë në botë, rusit Medvedev, i është ndaluar të luajë në Londër për arsye politike, përkatësisht pas pushtimit të Ukrainës nga vendi i tij.

Nga ana tjetër, Zverev pësoi një lëndim në gjysmëfinalen e Roland Garros, të cilin përfundimisht e operoi.

Breaking his own records 💪@RafaelNadal – now the owner of 14 #RolandGarros titles and 22 Grand Slam titles 🏆 pic.twitter.com/jbliQ0Md7v

— Wimbledon (@Wimbledon) June 5, 2022

Rafael Nadal është favori i madh për titull, dhe mungesa e dy më të mirëve ia ka rritur edhe më shumë shanset. /Telegrafi/