Deputeti i vetëm i Lëvizjes Vetëvendosje i cili e ka lëshuar sallën në kundërshtim të projektligjit që përcakton pagën minimale, për shkak të mos-përfshirjes së veteranëve, thotë se do të jetë kundër Qeverisë nëse e njëjta nuk reflekton për kategoritë e dala nga lufta.
Fatmir Humolli nuk do t’i bashkohet protestës së nesërme të thirrur nga Organizata e Veteranëve të Luftës së UÇK-së, por thotë se protestën e tij do ta bëjë brenda institucionit të Kuvendit të Kosovës.
Në një bisedë për KosovaPress, deputeti Humolli thotë se injorimi i kategorive të dala nga lufta është gabim i madh i qeverisë.
“Mos-respektimi i qytetarëve dhe injorimi i kategorive te dala nga lufta nga qeveria është gabim i madh. Unë do jem ne mbrojtje të bashkëluftëtarëve dhe misionit të luftës që ka qenë që populli ynë të jetojë i lirë dhe me dinjitet në vendin tonë, qeveria nuk po e kryen ketë mision që ia ka dhënë vetes në fushatën elektorale. Nëse reflekton qeveria do të jem në ndihmë të qeverisë, nëse jo atëherë do jem kundër saj. Deputetet kanë obligim ndaj elektoratit e jo ndaj qeverisë apo individit”, thotë Humolli.
Të martën, Kuvendi i Kosovës e ka miratuar në parim, me 68 vota për, projektligjin që përcakton pagën minimale.
Për kalimin e këtij projektligji votuan deputetët e Lëvizjes Vetëvendosje dhe ata të Listës Serbe, komunitetet e tjera jo shumicë abstenuan ndërsa opozita nuk mori pjesë në votim.
“Sa i përket Listës Serbe, Vetëvendosje nuk është dashur të jetë në një vijë me të, dhe kjo, besoj, që deputetët që nuk janë militantë të partisë do t’i shtyjë të reflektojnë. Sa i përket se ‘Listën Serbe e porosit PDK-ja’ ja, atëherë kush e ka porosit Vetëvendosjen për të votuar ligjin pa i përfshi veteranët”, thotë Humolli.
Ndërsa për të kërkuar tërheqjen prapa të këtij projektligji, nesër para ndërtesë së qeverisë dhe parlamentit, OVL-UÇK ka thirrur protestë gjithëpopullore.
Por, deputeti Humolli vlerëson se protestën e tij duhet ta zhvillojë brenda institucionit të Kuvendit.
“I përkrah protestat por nuk do jem në protestë në rrugë sepse po besoj se ka hapësirë ende që protesta ime brenda institucionit të jep rezultat pozitiv në favor të bashkëluftëtarëve”, ka thënë ai.
Ai thotë se nuk është kundër ligjit që përcakton pagën minimale, por sipas tij kundër largimit të veteranëve nga e drejta e tyre.
Projektligji për pagën minimale, i cili nuk përfshin veteranët e luftës së UÇK-së, është kundërshtuar në vazhdimësi partitë opozitare në vend. Madje, nga Aleanca për Ardhmërinë e Kosovës kanë bërë thirrje për dalje sa më masive në protestën e nesërme, të thirrur nga OVL-UÇK. /KP/
Promo
Reklamo këtuLufta Prigozhin - Putin
Më shumëPolicia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Aktakuzë ndaj dy rusëve që u kapën në Jarinjë
Kurti, ambasadorëve të QUNT-it: Normalizimi i marrëdhënieve me Serbinë dhe anëtarësimi në Këshillin e Evropës nuk duhet të përzihen
Mickoski në VLEN, caktohet agjenda bashkëqeverisëse
Tentoi ta vriste për shkak se refuzoi të kryente marrëdhënie seksuale me të – Prokuroria nis hetimet për rastin në Fushë Kosovë
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'