Pyetet për marrëdhënien me Afrona Dikën, Blero nuk e pranon se janë ndarë

Prej disa ditësh kanë qarkulluar një sërë raportimesh se Blero i ka dhënë fund lidhjes me partneren e tij, Afrona Dika.

Kjo u dëshmua edhe më shumë pasi dyshja kanë fshirë fotografitë e përbashkëta në Instagram dhe se nuk e ndjekin më njëri-tjetrin.

Megjithatë, ata nuk e kanë konfirmuar publikisht raportin e tyre dhe nuk është thënë asgjë deri më tani.

Sidoqoftë, Blero së fundmi ka qenë i ftuar në emisionin ‘Shqipëria Live’ teksa u pyet edhe për këtë pjesë.

Lexo po ashtu Blero dhe Afrona Dika fshijnë të gjitha postimet e përbashkëta në rrjetet sociale

“Unë Instagramin im nuk e kam personal e kam biznes e kontrollon kompania ime nuk e di se çfarë ka ndodhur portalet të bëjnë punën e tyre unë timen nuk kam koment, nuk merrem me këto lajme hiç fare, kam punë më të rëndësishme. Unë s’kam interes t’i lexoj, nuk kam qasje në portale nuk e di, nuk më shqetësojnë lajmet sepse skam interes”, u shpreh ai.

I njëjti krejt në fund i ka dërguar një mesazh fansave, pavarësisht që nuk e pohoi e as nuk e mohoi ndarjen nga blogerja shqiptare.

“Unë jam i bekuar falë Zotit që kam mbërritur deri këtu falë Zotit dhe fansave. Blero do të sjellë muzikë dhe do jemi së bashku për shumë vite”, tha ai.

Ata kujtojmë që u martuan në një ceremoni luksoze në shtator të vitit 2019. /Telegrafi/