LAJMI I FUNDIT:

​Eksperti britanik: Serbia po e përgatit “recetën ruse” për t’i paraqitur serbët në Kosovë si të rrezikuar

​Eksperti britanik: Serbia po e përgatit “recetën ruse” për t’i paraqitur serbët në Kosovë si të rrezikuar

Serbia është duke e përgatitur “recetën ruse”, ku minoritetin serb që jeton në Kosovë dëshiron ta paraqet si “popullatë e rrezikuar”, njëjtë sikurse Rusia që pretendon se po bën me popullsinë rusisht-folëse në Ukrainën lindore.

Kështu thekson analisti britanik Daniel Smith duke shtuar se presidenti serb Aleksandar Vuçiq vazhdimisht është duke i shërbyer interesave të Rusisë në Ballkan.

“Në raport me Kosovën, gjithnjë e më shumë po shohim një narrativë serbe të përshtatur sipas ‘recetës ruse’, ku minoriteti serb që jeton në Kosovë paraqitet si ‘popullatë e rrezikuar’ ose duke përsëritur nevojën për ‘mbrojtje’. Rusia pretendon se po bën të njëjtën gjë me popullsinë rusisht-folëse në Ukrainën lindore”, thekson Smith për Al Jazeera.

Sipas tij, politika e ashtuquajtur neutrale e Vuçiq-it është më pro-ruse se çdo gjë tjetër.

“Me politikën e tij pro-ruse, Vuçiq vazhdimisht u shërbeu interesave të Rusisë në Ballkan. Në shumë raste, ai u shërbeu më shumë interesave të Rusisë sesa dhe popullit serb. Politika e tij e ashtuquajtur neutrale është më pro-ruse se çdo gjë tjetër. Si mund ta quajmë ndryshe presidentin e një vendi kandidat për në BE, Vuçiq-in, veçse një ‘idiot i dobishëm” që lejon veten të shfrytëzohet nga një diktator dhe kriminel lufte si Vladimir Putin-i? Apo të dy kanë shumë gjëra të përbashkëta”, pyeti ai.

Smith shprehet se pengimi i ardhjes së ministrit të Jashtëm rus Sergei Lavrov në Serbi nga vendet fqinje ka ruajtur dinjitetin e popullit serb e që nuk është ruajtur nga vetë shteti i tyre. Ai shton se anulimi i kësaj vizite është një sinjal i mirë për rajonin.

Mesiq: Serbët jetojnë në iluzion, Serbia nuk është e fuqishme
Lexo po ashtu Mesiq: Serbët jetojnë në iluzion, Serbia nuk është e fuqishme

“Anulimi i vizitës së Lavrov-it është një sinjal i mirë për rajonin, në radhë të parë për shkak se mohuesi i krimeve të luftës në Ukrainë, Kroaci, Bosnje e Hercegovinë dhe Kosovë, është penguar të rrisë më tej tensionet duke vizituar Beogradin. Së dyti, bllokimi i hapësirës ajrore, për fluturimin e Lavrov-it, dëshmon rëndësinë e anëtarësimit të të gjitha vendeve të Ballkanit Perëndimor në NATO për sigurinë e tyre dhe të rajonit në përgjithësi”, shprehet Smith.

“Gatishmëria e liderëve serbë për të pritur Lavrov-in në një kohë kur liderët evropianë dhe botërorë po presin liderët ukrainas është një provë shtesë se Serbia po mbështet në mënyrë aktive Rusinë dhe se është koha që BE-ja të shqyrtojë seriozisht statusin e Serbisë si vend kandidat. Në këtë rast shtetet fqinje e kanë ruajtur dinjitetin e qytetarëve të Serbisë, të cilin fatkeqësisht nuk e ka ruajtur vetë shteti i tyre”, shton ai.

Eksperti britanik pohon se me anë të propagandës dhe Kishës Ortodokse, Kremlini po përpiqet të rrisë tensionet ndëretnike në rajon.

“Duke e përhapur propagandën dhe narativa pro-ruse, Kremlini po përpiqet të rrisë tensionet ndëretnike në Ballkan dhe veçanërisht në Bosnje e Hercegovinë. Me këtë, Rusia po përfiton nga ngritja e nacionalizmit serb dhe përkrahjes nga Kisha Ortodokse Serbe. Gjithashtu, disa kërkime nga medie dhe institute në Ballkan kanë treguar raste të ndërhyrjeve të inteligjencës ruse në cenimin e sigurisë kombëtare të vendeve ballkanike”, pohon ai.

Politico shkruan për përplasjen mes kancelarit gjerman dhe presidentit serb rreth njohjes së Kosovës dhe sanksioneve ndaj Rusisë
Lexo po ashtu Politico shkruan për përplasjen mes kancelarit gjerman dhe presidentit serb rreth njohjes së Kosovës dhe sanksioneve ndaj Rusisë

Në fund, Smith thotë se fjalimi i ambasadorit rus në Kuvendin e Republika Serbe ishte një mesazh i keq për sigurinë e Ballkanit dhe se Igor Kalabuhov duhet të shpallet persona non-grata dhe të dëbohet nga vendi.

“Fjalimi i ambasadorit rus në Bosnje e Hercegovinë, Igor Kalabuhov në Kuvendin e Republikës Serbe, ishte një mesazh i keq për sigurinë dhe stabilitetin e vendit por edhe të Ballkanit, si në mënyrë simbolike ashtu edhe nga ana përmbajtjesore. Një ambasador që kërcënon hapur Bosnjën e Hercegovinën se, ‘vazhdimi i rrugës së saj evropiane përbën një kërcënim për sigurinë kombëtare’, duhet të paktën të shpallet persona non grata dhe të dëbohet nga vendi”, përfundon Smith./KP

Në trend Lajme

Më shumë
Milatoviq injoroi takimin me presidenten Osmani, reagon ish-kryediplomati malazez

Milatoviq injoroi takimin me presidenten Osmani, reagon ish-kryediplomati malazez

Lajme
​Majko flet për sigurinë në rajon: Nëse prekët Kosova, do të prekët edhe Shqipëria

​Majko flet për sigurinë në rajon: Nëse prekët Kosova, do të prekët edhe Shqipëria

Lajme
Osmani takohet me këshilltarin për Siguri Kombëtare të Presidentit Biden, flasin për rritje të bashkëpunimit

Osmani takohet me këshilltarin për Siguri Kombëtare të Presidentit Biden, flasin për rritje të bashkëpunimit

Lajme
Kosova në mesin e 80 vendeve që mbështetën integritetin territorial të Ukrainës, 13 shtete refuzuan

Kosova në mesin e 80 vendeve që mbështetën integritetin territorial të Ukrainës, 13 shtete refuzuan

Lajme
Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës

Mbeti më shumë se gjysmë ore në ajër me aeroplanin e tij, Pacolli akuzon Autoritetin e Aviacionit Civil të Kosovës

Lajme
Osmani: Lufta nuk është vetëm e Ukrainës, ne kemi ofruar mbështetje në të gjitha frontet, përfshirë ndihma ushtarake

Osmani: Lufta nuk është vetëm e Ukrainës, ne kemi ofruar mbështetje në të gjitha frontet, përfshirë ndihma ushtarake

Siguri
Kalo në kategori