Lëre që goditi me veturë gruan dhe foshnjën e saj, por edhe tentoi të arratiset nga vendi i ngjarjes, adoleshenti amerikan kapet nga kamerat e sigurisë

Pavarësisht se goditi me veturë një nënë dhe foshnjën e saj që e kishte në karrocë, prokurori George Gascon në Los Angeles, ka mbështetur propozimin për dënim minimal ndaj adoleshentit amerikan.

17-vjeçari u shpall fajtor në dy pika të aktakuzës që rëndonin mbi të, atë për prodhim të forcës për shkaktim të lëndimit trupor dhe për goditje dhe arratisje nga vendi i ngjarjes, por ai u dënua me vetëm pesë muaj qëndrim në një qendër korrektuese, ku sipas prokurorëve është përshkruar më shumë si një shkollë ushtarake, transmeton Telegrafi.

Ngjarja e tmerrshme pati ndodhur më 6 gusht të vitit të kaluar, por rasti ishte rikthyer në rigjykim për shkak të pakënaqësive rreth verdiktit.

Ajo çfarë po e shpëton të riun nga dënimi maksimal, është fakti që foshnja në karrocë ka shpëtuar pa lëndime kurse e ëma e saj me vetëm mavijosje në legen.

Megjithatë edhe tani është konstatuar se ai duhet të qëndrojë në qendrën korrektuese pesë muaj, pasi kohë më parë ishte kërkuar të mbyllet atje për shtatë muaj.

E pamjet e këtij momenti rrëqethës janë kapur nga kamerat e sigurisë nga kënde të ndryshme, ku shihet i riu që pasi godet gruan me foshnjën e saj – tenton të arratiset nga vendi i ngjarjes.

Pavarësisht se kalimtarët e rastit tentojnë ta ndalin, ai vazhdoi rrugëtimin derisa shoferi i një veture tjetër e kuptoi për çfarë bëhet fjalë, dhe ia zuri rrugën duke u përplasur direkt me të për ta ndalur. /Telegrafi/

Watch the latest video at foxnews.com