Katie Holmes bën debutimin në tapetin e kuq me të dashurin dhjetë vjet më të ri, Bobby Wooten III

Katie Holmes dukej shumë e dashuruar teksa bëri debutimin e saj në tapetin e kuq me të dashurin Bobby Wooten III në mbrëmjen e 25-vjetorit të “The Moth Ball” në Spring Studios në New York të enjten (27 maj).

Aktorja e “Batman Begins” dukej elegante me një fustan me qafë të lartë dhe i gjatë deri në kyçin e këmbës, të cilin e kombinoi me taka të zeza dhe një çantë elegante arti deco, ndërsa i dashuri i saj u pa i veshur me kostum jeshil dhe këmishë e zezë.

Yjet e tjerë në këtë ngjarje përfshinin të nderuarin e mbrëmjes, ish-udhëheqësin e “Talking Heads”, David Byrne, aktoren Molly Ringwald, ylli i “Real Housewives of New York City”, Carole Radziwill dhe shkrimtarja Mala Gaonkar.

Çifti e bëri publike lidhjen e tyre muajin e kaluar, teksa u panë duke u puthur dhe shëtisnin dorë për dore nëpër Central Park në New York.

Kjo është lidhja e parë për aktoren e “Batman Begins” që kur u nda me shefin e kuzhinës Emilio Vitolo Jr. me të cilin u nda në maj të vitit të kaluar.

Një burim i afërt me Katie i tha më parë E!News se çifti u njohën përmes miqve, duke shtuar se marrëdhënia e tyre po funksionon mirë.

“Katie është e emocionuar për të takuar dikë dhe është shumë e lumtur. Ajo dëshiron të ketë dikë në jetën e saj dhe ai është shumë i sjellshëm dhe i mirë me të”, tha një burim.

Theksojmë që Bobby është një kompozitor autodidakt, producent dhe instrumentist.

Çifti kanë shumë të përbashkëta, që të dy vijnë nga Midwest dhe performojnë në Broadway.

Bobby ishte në Utopinë Amerikane, ndërsa Katie bëri debutimin e saj në Broadway në vitin 2008 në ringjalljen e “All My Sons” të Arthur Miller dhe luajti në “Dead Accounts” në 2012 pas divorcit të saj nga Cruise. /Telegrafi/