Joe Alwyn për thashethemet e fejesës me Taylor Swift: Nëse përgjigjja do të ishte po, nuk do të tregoja

Joe Alwyn po vazhdon t’i mbajë kartat e marrëdhënieve të mbyllura.

Në një intervistë të re për “WSJ” në numrin e majit të revistës, ylli i “Conversations with Friends”, i cili është në lidhje me Taylor Swift, u pyet për thashethemet e fejesës që po qarkullonin.

“Nëse do të kisha një paund për çdo herë që mendoj se më kanë thënë se jam fejuar, atëherë do të kisha shumë monedha paund”, tha aktori anglez, 31 vjeç.

“Dua të them, e vërteta është, nëse përgjigja do ishte po, nuk do të tregoja, dhe nëse përgjigja ishte jo, prapë nuk do ta thosha”, shtoi ai për një fejesë të mundshme me Swift, 32 vjeç.

Për vendimin e tij për të qenë privat për jetën e tij personale, Alwyn i tha revistës, “Ne jetojmë në një kulturë që njerëzit presin kaq shumë për t’u dhënë”.

“Kështu që nëse nuk jeni duke postuar gjatë gjithë kohës për atë që po bëni, si po kaloni një ditë ose si keni përgatitur një mëngjes, a ju bën kjo një të vetmuar?”, tha ai referuar mediave sociale.

Swift filloi të takohej me Alwyn në vitin 2016, dhe një burim i tha më parë People se ajo “është shumë e lumtur” në lidhjen e tyre.

“Ai është mbështetje e saj. Marrëdhënia e tyre është e pjekur dhe e mrekullueshme”, shtoi ky burim.

Lexo po ashtu Drake poston foto në krahët e Taylor Swift - nxit spekulimet se dyshja po vijnë me një bashkëpunim

Në një bisedë me “Elle” të publikuar javën e kaluar, aktori i “Boy Erased” shpjegoi gjithashtu arsyetimin pas mbajtjes së fshehtë të detajeve të jetës së tij të dashurisë.

“Nuk është sepse dua të ruhem dhe të jem privat, është më shumë një përgjigje ndaj diçkaje tjetër. Ne jetojmë në një kulturë që është gjithnjë e më shumë ndërhyrëse … sa më shumë të jepni – dhe sinqerisht, edhe nëse nuk e jepni – diçka do të merret”,  tha Alwyn për median /Telegrafi/