50 % të barnave esenciale po mungojnë në barnatoren qendrore të QKMF-së në Prishtinë. Sipas zyrtarëve aty, Ministria po plotëson vetëm gjysmën e nevojës derisa qytetarët me sëmundje kronike ankohen se shumicën e kohës blejnë vet terapinë.
Po presin në radhë për të marrë barnat që u ka përshkruar mjeku.
Disa prej tyre, pacientët në Prishtinë po mund t’i gjejnë në Barnatoren e Qendrës Kryesore të Mjekësisë Familjare.
Megjithatë, shumë prej tyre po kthehen duarthatë.
Kjo pasi që në Barnatoren e QKMF-së ka mungesë të barnave esenciale.
Mevlide Kasumi që vuan nga diabeti tregon se asnjëherë nuk po e gjen terapinë që i nevojitet.
“Disa barna janë e disa tjera nuk janë. Ma shumë barna esenciale nuk janë se që janë. Këta thonë që ka, por që barnat kryesore të diabetit në shumicën e rasteve nuk i gjejmë. 100 sëmundje i kam, por këtu fare pak barna gjejë”, deklaroi për RTV Dukagjinin Mevlide Kasumi.
Të njëjtin shqetësim e kanë edhe qytetarë të tjerë, për çka po u duhet të drejtohen tek barnatoret private.
“Në shumicën e rasteve barnat i kemi blerë”, deklaroi Avdullah Kajdomqaj.
“Zakonisht nuk ka barna në Barnatoren e QKMF-së”, shprehet qytetarja Sevdije Gashi.
Se ka mungesa të disa llojeve të medikamenteve, e thotë edhe përgjegjësi i Barnatores Qendrore, Fatos Aliu.
“Barnat për diabet janë në mungesë. Edhe Omeprazolli 20 mg që përdoret shumë është në mungesë. Nuk jemi furnizuar as me sisteme të infuzionit”, deklaroi Fatos Aliu
Sipas tij, furnizimi nga Ministria e Shëndetësisë plotëson vetëm gjysmën e nevojave dhe kërkesës.
“Nga 210 produkte sa ne kërkojmë, na ofrohen vetëm 100 apo 103 prej tyre, gjë që i bie sa ka një mungesë prej 50% të barnave”, deklaroi Aliu.
Por, sipas Ministrisë të Shëndetësisë, përqindja e furnizimit me barna është më e lartë.
“Raportet e fundit të Departamentit të Farmacisë së MSH tregojnë se plotësimi i Listës së Barnave Esenciale për QKMF-të në komuna, të cilat i furnizon Ministria me material shpenzues ka arritur në 98%, ndërsa me barna prej 65-70%. Me përfundimin e procedurave për disa produkte që mungojnë, furnizimi do të përmirësohet edhe më tej dhe synimi është që Lista Esenciale e Barnave të arrijë në nivele sa më të larta të furnizimit”, thuhet në njoftimin e Ministrisë të Shëndetësisë./Telegrafi/
Promo
Reklamo këtuLufta Prigozhin - Putin
Më shumëUji depërtoi në shtëpitë e tyre - banorët e lagjes "Prishtina e Re" tregojnë për pasojat pas reshjeve të shiut
Zyrtarja tjetër e DASH-it në Kosovë, Hovenier: Në fokus çështjet kritike për marrëdhëniet tona
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Aksident i rëndë trafiku në Prishtinë mes një veture dhe dy motoçikletave
Martesa e dy vajzave në bashkinë e Tiranës, ligji shqiptar nuk lejon martesa të së njëjtës gjini, reagon Kisha Katolike
Tre të lënduar nga aksidenti që ndodhi te "kafet e vogla" në Prishtinë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Qysh nga raundi i parë u vërejt se diçka nuk shkon me Tyson Furyn - tani publikohen pamjet
Besnik Berisha: Enver Sekiraqa nuk është arratisur
Ato që dimë deri tani rreth aeroplanit “të rrëzuar” të presidentit të Iranit
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
"Askush nuk donte të fliste me mua te Barcelona, vetëm Eric Abidal” - ylli i ri francez tregon vuajtjet te gjiganti i La Ligas
Aeroplani “i rrëzuar” i presidentit të Iranit, thuhet se tanimë ka pasur një kontakt me pasagjerët dhe anëtarët e ekuipazhit