Luana Vjollca dhe Adelina Thaçi në studion e kompozitorit Darko Dimitrov për projektin e ri?

Prezantuesja dhe këngëtarja Luana Vjollca ka kohë që nuk është shfaqur para publikut.

Ajo ka lënë ende në pritje fansat e saj sa i përket rikthimit në televizion, gjersa duket se së fundmi ka punuar më shumë në muzikë.

Kjo pasi Luana bëri të ditur se ka nisur punën për projektin e saj të ri muzikor, në studion e kompozitorit të njohur maqedonas, Darko Dimitrov.

Ajo madje në disa fotografi dhe video të publikuara në rrjetet sociale, ka treguar se ndodhet në Shkup e shoqëruar nga këngëtarja e njohru shqiptare, Adelina Thaçi.

Duke mos bërë të ditura shumë detaje, Luana dhe Adelina duket se ia kanë kaluar mirë gjatë regjistrimit të këngës së re të Luanës në studion e Darkos.

Nuk dihet nëse bëhet fjalë për një bashkëpunim mes dy këngëtareve, apo Adelina është gjendur thjeshtë për t’i ndihmuar në ushtrimin e vokalizave Luanës, pasi Thaçi ushtron profesionin e saj si profesoreshë e kantos.

Gjithsesi, mbetet për t’u parë se çfarë kanë përgatitur për fansat e tyre, Adelina dhe Luana. /Telegrafi/