Spasovski: Diplomatët rus janë dëbuar për shkak se kanë dalë jashtë mandatit të tyre diplomatik

Ministria për Punë të Brendshme, Oliver Spasovski për “ClickPlus” tha se diplomatët rus janë dëbuar për shkak se kanë dal jashtë mandatit të tyre diplomatik.

“Maqedonia e Veriut është pjesë e NATO-s dhe këtu jemi të pastër. A po i ndjekim këto aktivitetet? Sigurisht që po, edhe atë që kemi ndërmarrë, dëbimi i diplomatëve, është se në atë pjesë shërbimet i kryejnë mjaft mirë punët në mbrojtje të integritetit, sigurisë dhe suvernitetit. E dimë pse janë dëbuar, por ajo është diçka që kanë dalë jashtë mandatit të tyre diplomatik”, tha Spasovski.

Spasovski tha se ka tentime të vazhdueshme për të penguar procesin e bisedimeve me Sofjen, me qëllim bllokimin rrugës drejt BE-së. Spasovski siguroi se institucionet po veprojnë dhe se të gjitha tentimet për të penguar rrugën tonë drejt BE-së do të përfundojnë si ato para anëtarësimit në NATO, gjegjësisht si tentimet për të bllokuar bisedimet e atëhershme me Greqinë.

“Për ne është shumë me rëndësi ajo që shumica më e madhe e qytetarëve qëndrojnë fuqishëm në rrugën e Bashkimit Evropian dhe kjo me të vërtetë na jep të drejtën që ne në asnjë moment nuk mundemi të largohemi nga kjo rrugë, sepse edhe nuk kemi ndonjë alternativë tjetër. Gjithçka tjetër, që do të jetë si tentim për të na penguar këtë rrugë, mendoj se do të përfundojnë si tentimet para anëtarësimit në NATO”, tha mes tjerash Spasovski./Telegrafi/