Doja Cat paralajmëron tërheqjen nga muzika?

Doja Cat ka thënë se ka mbaruar me industrinë e muzikës, në bazë të disa postimeve që ka bërë për fansat në Twitter.

Të enjten, këngëtarja e “Say So” shkroi në Twitter: “Kjo nuk është për mua, kështu që unë jam jashtë. Kujdesuni të gjithë”.

Më herët atë mbrëmje, ajo kishte një shfaqje në Brazil dhe u kërkoi falje fansave që nuk dhuroi spektakël në skenë.

View this post on Instagram

A post shared by Doja Cat (@dojacat)

“Unë nuk mendoj se i dhashë Brazilit një shfaqje mjaft të mirë sonte fare dhe më vjen keq për këtë, por ju falënderoj që ishit të pranishëm, ju dua shumë dhe faleminderit zotit që kemi një shfaqje tjetër nesër, premtoj se do ta bëj më mirë”, ka shkruar ajo.

Koncerti erdhi dy ditë pasi asaj iu desh të anulonte shfaqjen e saj në Paraguay për shkak të një stuhie që shkaktoi përmbytje të mëdha.

Lexo po ashtu Doja Cat i la pak vend imagjinatës me të brendshme të zeza gjatë paraqitjes në festën e Super Bowl

Fansat më pas nga Paraguay në Twitter e akuzuan se nuk po kujdeset për vendin e tyre. Të njëjtit gjithashtu e kritikuan që nuk përshëndeti njerëzit që e prisnin në shi jashtë festivalit Asuncionico të Paraguayt dhe jashtë hotelit të saj.

Doja u përgjigj në Twitter: “Nuk më vjen keq”.

View this post on Instagram

A post shared by Doja Cat (@dojacat)

Kur fansat vazhduan t’i kërkonin asaj t’i kërkonte falje Paraguayt, ajo kishte “vazhduar” dhe kishte vendosur që thjesht “të linte të gjithë të zemërohen” me të.

Reperja postoi në rrjete sociale se nuk do të bëjë më kurrë foto me fansat pasi të përfundojë turneun e saj botëror.

“Ka ikur, do të largohem mezi prez të zhdukem dhe nuk kam nevojë të më besoni më. Gjithçka ka vdekur për mua, muzika ka vdekur dhe unë jam një budallallëqe që kam menduar se jam krijuar për këtë, ky është një makth i tmerrshëm, mos më ndiqni”, tha ajo.

Pas postimeve të saj në Twitter, të enjten mbrëma, Doja e ndryshoi emrin e saj në Twitter në “i quit”. /Telegrafi/