Prezantuesja televizive ruse “jep dorëheqje dhe largohet nga vendi i saj”

Një prezantuese e lajmeve nga një prej kanaleve televizive më të rëndësishme të Rusisë ka dhënë dorëheqjen dhe është larguar nga vendi, sipas raportimeve.

“Unë u largova nga [Rusia] së pari sepse kisha frikë se nuk do të më linin të shkoja, më pas paraqita dorëheqjen time”, i tha Lilia Gildejeva nga NTV, blogerit të shquar Ilya Varlamov, përcjell Telegrafi.

Gildeyeva ishte një spikere në Segodnya (Sot), programi kryesor i lajmeve të mbrëmjes në NTV – stacioni i tretë televiziv më i popullarizuar në Rusi, i cili është në pronësi të gjigantit të gazit Gazprom dhe është fort pro Kremlinit.

Lexo po ashtu Rusja merr guximin ta pengojë prezantuesen e lajmeve të televizionit që financohet nga Kremlini

Në vitin 2021, Gildeeva u përfshi në listën zyrtare të gazetarëve të presidentit Vladimir Putin, të cilët morën falënderime për “arritjet në zhvillimin e mediave masive”.

Dhe në vitin 2008, ajo u falënderua nga Putin për “dhënien e informacionit dhe aktivitetin aktiv shoqëror për zhvillimin e shoqërisë civile në Federatën Ruse”.

Largimi i raportuar i Gildejevës pason protestën kundër luftës nga një redaktore lajmesh në Channel 1 të kontrolluar nga shteti mbrëmë. /Telegrafi/