“5 kg sheqer për person në Rusi”, sanksionet perëndimore kundër rusëve po bëjnë të veten

Pushtimi i Ukrainës – për të cilin Kremlini këmbëngul se duhet të quhet “operacion special ushtarak” – ka rezultuar me sanksionet perëndimore që po godasin rëndë ekonominë. Ndikimi tek rusët e zakonshëm tashmë po ndihet, raporton bbc.

Disa supermarkete të mëdha ruse po kufizojnë numrin e mallrave bazë që njerëzit mund të blejnë në të njëjtën kohë.

Në një dyqan shkruante një njoftim se “Vetëm 5 kg sheqer për person”. Qeveria ruse thotë se kjo është për të kufizuar tregun e zi dhe inflacionin.

Monedha e Rusisë, rubla, është rrëzuar dhe çmimet për një gamë të tërë mallrash dhe shërbimesh po rriten me shpejtësi – përfshirë udhëtimet jashtë vendit.

Udhëtimi për turizëm në SHBA, BE dhe vendet të tjerët janë pothuajse të pamundura. Mijëra rusë të rinj dhe të arsimuar tashmë janë larguar nga vendi.

Lista e kompanive perëndimore që tërhiqen nga Rusia rritet gjithnjë e më shumë. Para pushtimit, Moska ishte një nga qytetet më të avancuara teknologjikisht dhe të lidhura mirë në botë – me një sistem të klasit të parë të shërbimeve të transmetimit, pagesave në internet, shërbimeve teknologjike dhe dixhitale.

Përdorimi i parave të gatshme ishte i rrallë. Por me kompani të tilla si Apple, Visa dhe Netflix që kufizojnë ose mbyllen në Rusi, këto shërbime janë duke u ndalur. /Telegrafi/