Deputetët e Komisionit për Mbikëqyrjen e Financave Publike kanë kritikuar ministrat e Qeverisë Kurti për shpërfillje të raportimit në këtë komision.
Pozitë dhe opozitë u shprehën të indinjuar me refuzimin e ministrit të Shëndetësisë, Rifat Latifi për të diskutuar për raportin e auditimit të performances “Furnizimi me barëra dhe materiale shëndetësore për t’iu përgjigjur nevojave të pacientëve me COVID-19” dhe raportin “Optimizimi i resurseve njerëzore dhe pajisjeve teknike mjekësore për t’iu përgjigjur nevojave të pacientëve me COVID-19”.
Madje disa prej deputetëve opozitarë i quajtën të papërgjegjshëm ministrat e qeverisë në raport me komisionet parlamentare.
Kryetarja e komisionit nga radhët e LDK-së, Hykmete Bajrami tha se arsyetimi i ministrit Latifi për të mos marrë pjesë në raportimin e sotëm, ishte se nuk i ka gjitha informacionet dhe koha për konfirmimin e takimit ishte e shkurtër. Sipas saj, ministri ka dhënë opsion që raportet nën prezencën e tij të shqyrtohen me datë 29 mars.
“Si komision nuk kemi përvojë të mirë sa i përket prezencës së ministrave dhe disponimit të tyre për të raportuar, megjithatë janë dy raporte jashtëzakonisht të rëndësishme. E dimë se ministri pak më vonë e ka marrë mandatin. Arsyetimi i tyre ka qenë se nuk i kanë të gjitha informacionet dhe nuk kanë qenë të përgatitur. Gjithashtu, koha për konfirmimin e takimit iu është dukur e shkurt”, tha ajo.
Kritik për mos prezencën e ministrave për të raportuar në këtë komision u shpreh edhe deputeti i LVV-së, Eman Rrahmani.
“Është shumë e vërtet që ne nuk jemi duke pasur praktik të mirë në raportimet që kemi, qoftë të ministrave apo institucioneve të tjera. Si e tillë ne bashkërisht jemi pajtuar në parim që t’iu dërgohet ftesa të gjithëve dhe momentin që nuk marrin pjesë në mënyrë automatike këto raporte të diskutohen dhe dërgohen në seancë në Kuvend”, deklaroi Rrahmani.
Ndërsa, deputeti i PDK-së, Hajdar Beqa tha se ministrat e Qeverisë Kurti janë të papërgjegjshëm në raport me komisionet parlamentare.
“Me keqardhje e them po është një papërgjegjësi e ministrave në raport me komisionet parlamentare. Është e udhës të presim ministrin, por jo me datën 29 sepse ne kemi një agjendë të komisionit dhe të shikohet për një datë në javën e ardhshme. Në të kundërtën, mendoj se kjo çështje është shumë me rëndësi të diskutohet edhe në seancë. Pasi kemi të bëjmë me furnizim të barnave, kohën më të rëndë që kemi kaluar dhe menaxhimin e pandemisë”, tha Beqa.
Nga ana tjetër, megjithëse nuk është anëtar i këtij komisioni, deputeti tjetër i PDK-së, Bekim Haxhiu adresoi kritika edhe për raportet e auditimit.
“Ka disa gjëra që ky raport i auditimit nuk i prezanton dhe të cilat janë shumë të rëndësishme. Menaxhimi i parasë publike gjatë kësaj periudhe kohore. Ju njoftoj se Komisioni Parlamentar për Shëndetësi mandatin e kaluar bazuar në atë që është punuar si komision kemi dorëzuar në prokuroi një raport të keqpërdorimeve në kohën e pandemisë COVID 19. Auditimi nuk është marrë me këtë dhe është marrë vetëm në aspektet e furnizimit me barna, mangësitë dhe aspektet humanitare”, theksoi Haxhiu.
Krahas këtyre, komisioni diskutoi edhe për planin e punës dhe për agjendën në javët e ardhshme. /KP/Telegrafi/
Promo
Reklamo këtuLufta Prigozhin - Putin
Më shumëBesim Ramadani, personazh inspirues dhe shembull që duhet ndjekur
Samir Mane përballë studentëve të Harvardit: Tregu i përbashkët rajonal duhet nxitur
Shkenca e të Dhënave - Kombinim i Statistikës, Programimit dhe Biznesit
Telegrafi Jobs - Shoku yt për punë
Prodhuesit vendor ankohen për mos përkrahje nga shteti
Inaugurohet fidanishtja moderne “Agro Kabashi” në fshatin Qifllak në Komunën e Rahovecit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare