Gazetari i CNN në Kiev, Ukrainë, ndalon raportimin e tij të drejtpërdrejtë ndërsa ai dhe ekipi dëgjojnë shpërthime të forta

Gazetari Matthew Chance i CNN në Kiev, Ukrainë, ka ndaluar raportimin e tij të drejtpërdrejtë për të vendosur jelekun dhe helmetën ndërsa ai dhe ekipi dëgjuan shpërthime të forta pranë qytetit.

Dhe siç ka raportuar më herët CNN, gazetarët dhe dëshmitarët e këtij mediumi në qytetet anembanë Ukrainës kanë raportuar se kanë dëgjuar shpërthime në orët e para të së enjtes, përcjell Telegrafi.

CNN’s Matthew Chance in Kyiv, Ukraine, stops his live reporting to put on gear as he and the team hear loud explosions near the city. https://t.co/xWlhWWWMCo pic.twitter.com/OKL2ZMfk4n

— CNN International (@cnni) February 24, 2022

Ndryshe, presidenti rus Vladimir Putin ka thënë se trupat e tij do të ndërmarrin veprime në rajonin e Ukrainës të kontrolluar nga separatistët, të cilin ai e shpalli të pavarur këtë javë.

Ndërkohë ministri i Jashtëm i Ukrainës, Dmytro Kuleb, ka shkruar në Twitter se Putini ka nisur “pushtimin në shkallë të plotë të Ukrainës”.

“Qytetet paqësore të Ukrainës janë nën sulme. Kjo është një luftë agresioni. Ukraina do të mbrojë veten dhe do të fitojë. Bota mund dhe duhet ta ndalojë Putinin. Koha për të vepruar është tani”, ka shkruar ai në Twitter. /Telegrafi/