MSh s’ka informacione për numrin e kosovarëve që janë vaksinuar jashtë vendit
Ministria e Shëndetësisë nuk ka informacione se sa kosovarë u imunizuan kundër COVID-19 jashtë vendit. Në të dhënat që flasin për numrin e qytetarëve të vaksinuar, nuk përfshihen edhe banorë të cilët kanë marrë dozat në vende të tjera.
Përkundër mungesës së informacioneve, mendohet se numër i madh i tyre janë vaksinuar në Shqipëri, Maqedoninë e Veriut dhe Serbi. Ministri i Shëndetësisë deklaron se është e pamundur që të dihet një gjë e tillë, ndërkaq opozita thotë se një informacion i tillë është i domosdoshëm.
Vet ministri i Shëndetësisë, Rifat Latifi të tri dozat e vaksinës i ka marrë në Shtetet e Bashkuara të Amerikës. Ai thotë për KosovaPress se emri i tij nuk figuron në listat e të vaksinuarve në Kosovë.
“Unë nuk e kam atë informatë, është gati e pamundur që të merret ajo informatë. Unë jam qytetar i Kosovës tani dhe i kam marrë tri vaksinat e mia në Amerikë. Unë nuk qëndroj askund në listë”, deklaron ai.
Megjithatë, sipas tij kjo nuk paraqet problem klinik.
“Këto informacione janë të rëndësishme për faktin se ata të vaksinohen, ai është fakti më i rëndësishëm. Tani për tani do të jetë shumë e vështirë që ne të dimë kush është vaksinuar jashtë Kosovës… Ne duhet të kërkojmë prej njerëzve në të gjithë botën se sa kosovarë janë. Është një problem jashtëzakonisht i madh, por jo problem klinik për ne”, shton ai.
Ndryshe mendon deputeti i AAK-së, njëherit anëtar i Komisionit parlamentar për Shëndetësi, Shemsedin Dreshaj i cili thotë se një informacion i tillë është i domosdoshëm për vendin.
“Informata lidhur me numrin e vaksinave të cilat janë marrë jashtë Kosovës, qoftë në Shqipëri, Serbi apo Maqedoni është shumë e domosdoshme dhe shumë e rëndësishme për vendin. Për shkak se kemi shifrat reale të personave të vaksinuar në vend. Realisht unë mendoj që këto të dhëna janë të mangëta në Ministri të Shëndetësisë, në veçanti të dhëna të cilat përkojnë me numrin e vaksinave të marra në Serbi. Dhe pastaj po ashtu lidhur me qytetarët të cilat kanë dy shtetësi apo janë banorë edhe të Serbisë dhe të Kosovës”, shprehet ai për KosovaPress.
Kryetari i Këshillit Kombëtar Shqiptar në Serbi, Ragmi Mustafi deklaron se ka pasur organizime të shumta për vaksinim të komunitetit serb jashtë Kosovës.
“Nga komuniteti serb në Kosovë kanë bartur në mënyrë të organizuar me autobusë për t’i vaksinuar. Kjo tregon që një shifër e caktuar e konsiderueshme ka qenë të imunizuar në Republikën e Serbisë”, tregon Mustafi.
As Mustafi nuk disponon të dhëna për numrin e të vaksinuarve në të tri komunat në Luginë, por thekson se banorët serbë në masë të madhe janë imunizuar me vaksinën kineze dhe atë ruse.
“Në Serbi janë siguruar katër lloje të vaksinave. Në kuadër të saj kanë pasur qasje të gjithë qytetarët e Republikës së Serbisë që të marrin dozën e vaksinimit dhe të imunizohen. Në kuadër të saj ata kanë krijuar edhe shërbime shtesë, përkatësisht organizuar transport për serbët nga Kosova që të marrin vaksina edhe në Bujanoc dhe qytetare të tjera përreth. Por, se sa është ky numër dhe në çfarë përmasash edhe në këtë rast ne nuk disponojmë informacione të vaksinimit të qytetarëve nga Kosova që kanë dokumente të Serbisë”, vijon Mustafi.
Në Kosovë deri më tani janë vaksinuar me dozën e dytë mbi 800 mijë qytetarë. Ndërkaq, janë dhënë rreth 88 mijë doza përforcuese dhe doza të treta të vaksinës kundër COVID-19./KP/
Lufta Prigozhin - Putin
Më shumëPublikohen pamjet kur avokati Sokol Mëngjesi goditet me dorezë hekuri
Letra drejtuar KiE-së që përplasi Qeverinë dhe Presidencën, çfarë tha Konjufca e çka Osmani
Elshani: Shumë shpejt do të hapet për qarkullim ura e Ibrit në Mitrovicë
Pasi dështoi shpërndarja e Kuvendit, deputetët e PDK-së e quajnë Kurtin "mjeshtër të mashtrimit"
Vranët dhe me shi
Sherri ku u plagosën tre persona në Pejë nisi për një veturë “Golf III”
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Metoda ushtarake që ju mëson të bini në gjumë brenda pak minutave
Hummels shpërthen keq ndaj trajnerit të Dortmundit para finales me Real Madridin
Shkencëtarët besojnë se egjiptianët u përpoqën të shëronin kancerin 4000 vjet më parë
Kyle Walker shpjegon pse futbollistët mbulojnë gojën ndërsa flasin mes vete