Studiuesit gjermanë planifikojnë dhe të rrisin derra të modifikuar për të shërbyer si donatorë të zemrës

Shkencëtarët gjermanë planifikojnë të klonojnë dhe më pas të rrisin këtë vit derra të modifikuar gjenetikisht për të shërbyer si donatorë të zemrës për njerëzit, bazuar në një version më të thjeshtë të një kafshe të modifikuar në SHBA, e përdorur muajin e kaluar në transplantin e parë në botë nga derri te njeriu.

Eckhard Wolf, një shkencëtar në Universitetin Ludwig-Maximilians (LMU) në Mynih, tha se ekipi i tij synonte të kishte speciet e reja, të modifikuara nga raca e ishullit Auckland, gati për prova transplantimi deri në vitin 2025, raporton The Guardian, përcjell Telegrafi.

Në operacionin e parë të këtij lloji, një ekip në Universitetin e Maryland Medicine transplantuan muajin e kaluar një zemër derri me 10 modifikime te një njeri i sëmurë. Mjekët thonë se ai po reagon mirë edhe pse mbeten rreziqet e infeksionit, refuzimit të organeve ose presionit të lartë të gjakut.

“Koncepti ynë është të vazhdojmë me një model më të thjeshtë, domethënë me pesë modifikime gjenetike”, tha Wolf, puna e të cilit ka shkaktuar një debat të nxehtë në një vend me një nga normat më të ulëta të dhurimit të organeve në Evropë dhe një lëvizje të fortë për të drejtat e kafshëve. /Telegrafi/