Kënga “We Don’t Talk About Bruno” nga filmi i animuar “Encanto” rrëzon nga froni Adele, zë pozitën e parë në “Billboard Hot 100”

Kënga hit “We Don’t Talk About Bruno” nga filmi i animuar i Disneyt ” Encanto ” është radhitur në pozitën e parë në tabelën e “Billboard Hot 100”.

E shkruar nga Lin-Manuel Miranda, projekti e rrëzoi “Easy On Me” të Adele nga pozita dhe u bë kënga e parë e Disneyt që arriti majat e top-listës që nga “A Whole New World” nga “Aladdin” në vitin 1993.

Kënga fituese e çmimit Oscar “Let It Go” nga “Frozen” e Disney-t arriti kulmin duke u renditur në vendin e pestë në tabelë në vitin 2014.

“We Don’t Talk About Bruno” ka pasur më shumë se 34 milionë transmetime, sipas Billboard.

“Encanto” është me regji nga Jared Bush dhe Byron Howard dhe u dha premierë në vjeshtë, shkruan CNN.

Filmi përmban zërat e Stephanie Beatriz, Maria Cecilia Botero, John Leguizamo, Mauro Castillo, Jessica Darrow, Angie Cepeda, Carolina Gaitan, Diane Guerrero dhe Wilmer Valderrama.

Tregon historinë e një familjeje nga Kolumbia të quajtur Madrigalët që marrin dhurata magjike në qytetin e tyre të quajtur Encanto. Personazhi Mirabel, i shprehur nga Beatriz, niset të shpëtojë magjinë e familjes së saj. Bruno, xhaxhai i Mirabelit, ka fuqinë për të parë të ardhmen.

Por, siç sugjeron edhe titulli i këngës, familja Madrigal do të preferonte të mos fliste për këtë. /Telegrafi/