Policia kroate tregon se si mos të bieni në grackën e mashtrusve gjatë blerjes së veturave

Policia kroate po heton rastin e mashtrimit të personi, i cili  kishte dashur të blejë një veture në vendet e huaja.

Gjegjësisht, një 41-vjeçar i është drejtuar stacionit policor të qytetit të Pulës dhe ka raportuar se në një faqe gjermane ka gjetur një shpallje të favorshme për shitjen e një veture BMW.

Ai kontaktoi personin, numri i celularit të të cilit ishte renditur në faqen e internetit dhe pranoi të blinte dhe dorëzonte veturën në Kroaci, për të cilën pagoi dhjetëra mijëra euro më 17 janar.

Kur më pas ai kontaktoi me shitësin e veturave që dyshohet se reklamonte shitjet e veturave, ai kuptoi se ishte mashtruar duke qenë se shitësi i veturave kishte marrë informacion se vetura ishte ende në shitje dhe se çmimi i saj ishte dukshëm më i lartë.

Punonjësit e policisë po zbardhin rrethanat e ngjarjes dhe po kërkojnë autorin e panjohur, raporton index.hr.

Çfarë mund të bëni për ta bërë blerjen tuaj në internet më të sigurt? Këto janë disa prej këshillave të policisë së Kroacisë:

Përdorni dyqanet online nga vendet anëtare të BE-së kur është e mundur – shanset janë më të larta që të mund të zgjidhni problemet e mundshme;

Bëni më të mirën dhe hulumtoni – kontrolloni vlerësimet e tjera të klientëve përpara se të blini;

Përdorni kartat e bankës – keni një shans më të mirë për t’i rikthyer paratë tuaja;

Paguani vetëm përmes një ofruesi të sigurt të shërbimit të pagesave;

Paguani vetëm kur lidheni me një lidhje të sigurt interneti – shmangni Wi-Fi publik falas ose të hapur;

Paguani vetëm në një pajisje të sigurt – përditësoni rregullisht sistemin tuaj operativ dhe softuerin e sigurisë;

Nëse keni marrë një mesazh që ju informon se keni fituar një çmim – mendoni me kujdes, mund të jeni duke marrë malware;

Nëse produkti nuk arrin, kontaktoni shitësin – nëse nuk përputhet, kontaktoni bankën tuaj;

Kujdes nga reklamat dhe faqet e internetit që ofrojnë oferta të mahnitshme ose produkte të mrekullueshme – nëse diçka duket shumë e mirë për të qenë e vërtetë, nuk është e vërtetë. /Telegrafi/