Asensio do të humbasë finalen e Superkupës së Spanjës për shkak të problemeve muskulore

Marco Asensio do të humbasë finalen e Superkupës së Spanjës të Real Madridit kundër Athletic Bilbao sot (e diel) në mbrëmje, pasi vuan nga problemet muskulore që e penguan atë të marrë pjesë në seancën e fundit stërvitore të Los Blancos.

Në vend të Asensios pritet që Rodrygo Goes të inkuadrohet titullar në formacion, pasi ishte braziliani që e zëvendësoi gjatë ndeshjes gjysmëfinale kundër Barcelonës.

David Alaba mori pjesë në seancën stërvitore dhe dëshiron të luajë në finalen e Superkupës kundër Bilbaos, por Carlo Ancelotti nuk dëshiron të rrezikojë me mbrojtësin austriak.

👊 SPANISH SUPER CUP FINAL DAY! 👊
🕰️ 19:30 CET#Supercopa pic.twitter.com/fkj52eOwKe

— Real Madrid C.F. 🇬🇧🇺🇸 (@realmadriden) January 16, 2022

“Ne kemi dy dyshime: Alaba dhe Asensio, dhe do të shohim se si do të bëjnë ata në stërvitje. Nuk do të rrezikoj askënd”.

“Nëse Alaba dhe Asensio luajnë, kjo ndodh sepse ata ndihen mirë”, ka thënë Ancelotti gjatë konferencës së tij për shtyp para ndeshjes.

🔴🎙️ 𝙇𝙄𝙑𝙀 | Listen to @MrAncelotti's pre-Spanish Super Cup final press conference!#Supercopa https://t.co/IKXlKp7r3q

— Real Madrid C.F. 🇬🇧🇺🇸 (@realmadriden) January 15, 2022

Pasiguri me Alaba

Tani e dimë se Asensio nuk do të jetë në gjendje të luajë në finalen e së dielës, por është ende e paqartë se çfarë do të ndodhë me Alaban.

Ancelotti do të donte të kishte Alaba në zemër të mbrojtjes së Los Blancos, veçanërisht kur bëhet fjalë për ndërtimin e lojës nga prapa, dhe vetë lojtari do të jetë i vendosur të luajë në finalen e tij të parë si lojtar i Real Madridit.

Megjithatë, nëse Alaba nuk është mjaftueshëm i aftë për të luajtur, dyshja e qendërmbrojtësve do të jetë sërish Eder Militao dhe Nacho Fernandez. /Telegrafi/