Humbja e dytë e Realit në La Liga, pëson në udhëtim te Getafe

Real Madridi ka pësuar humbje minimale nga Getafe (1-0) në stadiumin Coliseum Alfonso Perez, ku u zhvillua ndeshja e javës së 20-të në La Liga.

Lideri i kampionatit spanjoll e mbylli pjesën e parë të takimit me disavantazh prej një goli.

Rezultati u zhbllokua që në minutën e nëntë të takimit kur Enes Unal shfrytëzoi një gabim të mbrojtjes mysafire, e rrëmbeu topin dhe e dërgoi në rrjetë.

Los Blancos vazhduan ta kërkonin golin e barazimit me rastet e Luka Modric e Lucas Vazquez, por nuk ia dolën dhe shkuan në pushëm me disavantazh.

As në pjesën e dytë, Mbretërit nuk ia dolën t’i ndryshonin gjërat dhe e mbyllën takimin me humbje.

Kjo ishte humbja e dytë sezonale e Real Madridit në La Liga, ndërsa vazhdon të ketë lider me 46 pikë, tetë më shumë se përcjellësi i parë Sevilla (që ka dy ndeshje më pak të zhvilluara).

Për Getafen janë tri pikë shumë të rëndësishme në garën për mbijetesë dhe tash është ngritur në kuotën e 18 pikëve duke u shmangur me tri pikë nga zona e rrezikut. /Telegrafi/

https://twitter.com/OlcaySurmene/status/1477634308361883649