Rita Ora e feston më herët Vitin e Ri me të dashurin e saj në Australi

Rita Ora po bëhet gati të presë Vitin e Ri në Australi.

Dhe këngëtarja britanike, 31 vjeçe, shfrytëzoi sa më shumë verën e hemisferës jugore të premten duke u shfaqur me bikini të zeza në plazh, shkruan DailyMail.

Ajo publikoi një sërë fotografish në Instagram, ku shihet duke shijuar rrezet e diellit ndërsa shkroi në mbishkrimin e fotove: “NYE – nga unë për ju”.

Rita kombinoi bikinit e saj me pantallona të zeza të lirshme dhe syze dielli me përmasa të mëdha.

Flokët e saj të gjatë bionde ishin lënë në valë të lirshme, dhe ajo kishte aksesorë me disa gjerdan ari me shtresa, byzylykë dhe vathë ari.

Një fotografi e tregoi atë duke hequr një mbështjellës të zi nga supet e saj teksa pozonte në mënyrë joshëse në plazh me pantallonat e varura poshtë rreth ijeve.

Një tjetër fotografi e tregonte atë duke ecur drejt oqeanit me shpinën e kthyer nga kamera.

Këngëtarja e hitit “Hot Right Now” kishte vënë një makijazh të plotë, duke theksuar fytin e saj me një buzëkuq të kuq teksa pozonte në plazhin pothuajse të shkretë.

Rita mbërriti në Australi në fillim të dhjetorit së bashku me të dashurin e saj prej gati një viti, regjisorin Taika Waititi.

Që kur arritën në Sydney, ata janë parë duke bërë blerje në Bondi dhe duke frekuentuar plazhin, madje kanë marrë pjesë edhe në premierën e “Being the Ricardos”.

Rita ndodhet në Australi për spektaklin “The Voice Australia”, ku edhe këtë vit do të jetë anëtare e jurisë.

Taika gjithashtu përflitet se do të vazhdojë punën në disa filma të ardhshëm, duke përfshirë “Thor: Love and Thunder”, i cili është në fazën e post-produksionit.

Duke parë drejt së ardhmes, Rita i tha më parë The Independent se “do të donte të kishte një familje të mirë të madhe”.

“Nuk prisja të gjeja dashurinë në Australi, as nuk po e kërkoja atë”, zbuloi ajo për marrëdhënien e saj me Taikan, 46 vjeç.

Ajo shtoi se ishte e prirur ta mbante lidhjen e saj jashtë vëmendjes për ta ‘mbrojtur’.

Rita u takua me regjisorin fitues të çmimit ‘Oscar’ në Sydney në shkurt, ndërsa ajo po xhironte “The Voice Australia”.

Një burim i tha The Sun se dyshja filluan lidhjen ‘fshehurazi’ në fillim të marsit, tre muaj para se ajo të largohej nga Australia për në Los Angeles në fillim të qershorit.

“Të gjithë miqtë e tyre e dinë për marrëdhënien – ata janë vërtet të dashuruar me njëri-tjetrin”, tha burimi i brendshëm në atë kohë. /Telegrafi/