Nikollovski jep dorëheqje nga funksioni në LSDM

Zv. kryeministri për Luftë kundër Korrupsionit, Ljupço Nikollovski ka dhënë dorëheqje nga pozita e Sekretarit të Përgjithshëm të LSDM-së. Ai shprehu falënderim të veçantë për ish-presidentin Zoran Zaev dhe të gjithë anëtarët e partisë.

“Kam punuar me ndershmëri dhe përkushtim në një periudhë të vështirë për partinë. Sot LSDM është partia më e madhe, më moderne, më e digjitalizuar, më dinamike dhe evropiane.

Pas 18 vitesh, LSDM dhe koalicioni fituan zgjedhjet parlamentare vitin e kaluar. I uroj kryetarit Kovaçevski dhe lidershipit të ri shumë mençuri, unitet, përkushtim dhe ruajtje të vlerave. Kjo më jep mundësinë për të zgjedhur një Sekretar të ri të Përgjithshëm në përputhje me konceptin e kryetarit Kovacevski. Për angazhimin e tij të mëtejshëm në politikë dhe shoqëri, lë kohën për të treguar. Aksesueshmëria, ndershmëria, qasja e ndershme dhe e përgjegjshme ndaj punës, mbajtja e fjalës dhe premtimit, përkrahja dhe përkushtimi për vepra të mira për të gjithë pa ndarje të qytetarëve mbi asnjë bazë mbeten vlera dhe përpjekje kyçe në kryerjen e çdo pozite dhe përgjegjësie”, thuhet në dorëheqjen me shkrim të Nikollovskit të dorëzuar në LSDM.

Më herët gjatë ditës, ministri i Brendshëm Oliver Spasovski dha dorëheqjen si nënkryetar i partisë, duke njoftuar se nuk kishte ndërmend të ishte pjesë e kryesisë së re./Telegrafi/