Regjistrohen 333 raste të reja me COVID-19 në Maqedoni

Ministria e Shëndetësisë në Maqedoni informon se në 24 orët e fundit janë bërë 3.511 testime për coronavirus, ndërsa 333 raste kanë rezultuar pozitiv.

Prej rasteve të reja, 181 janë në Shkup, Prilepi dhe Manastiri – 25, Ohri – 14, Kumanova dhe Strumica – 8, Velesi dhe Kavadari – 7, Kërçova – 6, Koçani, Resnja, Valandova dhe Demir Kapi – 5, Shtip – 4, Gjevgjeli, Negotinë, Radovish dhe Probishtip – 3, Kriva Pallanka, Dellçeva, Vinica, Krusheva dhe Makedonski Brod – nga 2, Tetova, Gostivari, Struga, Sveti Nikolla, Bogdanci dhe Demir Hisar – 1.

Nga MSH informon se në 24 orët e fundit kanë ndërruar jetë 6 pacientë, të cilët kanë qenë pozitiv me COVID-19, ndërsa nga sistemi “Termini im” janë paraqitur edhe 5 pacientë të vdekur, që kanë ndërruar jetë prej periudhs 22.11 – 20.12.2021.

Ndërsa ISHP ka regjistruar 311 pacientë të shëruar.

Me rastet e sotme numri i përgjithshëm i të infektuarve me coronavirus në RMV shkon në 222.666, prej të cilëve 209.602 janë shëruar, ndërsa 7.879 kanë ndërruar jetë.

Numri i rasteve aktive deri sot (24 dhjetor) është 5.185./Telegrafi/