Gjermania bën përsëri thirrje për të sanksionuar liderin serb të Bosnjës, Milorad Dodik

Ministrja e Jashtme gjermane Annalena Baerbock të hënën i bëri thirrje BE-së të vendosë sanksione ndaj liderit serb të Bosnjës, Milorad Dodik, i cili dëshiron që zonat me shumicë serbe në Bosnje dhe Hercegovinë të shkëputen.

Duke folur pas një takimi të ministrave të jashtëm të BE-së në Bruksel të hënën, Baerbock tha se Dodik duhet të vihej nën më shumë presion nga BE dhe e përshkroi situatën në Bosnje dhe Hercegovinë si “shqetësuese”, përcjell Telegrafi.

"The situation in #BosniaHerzegovina is worrying, efforts to secede are unacceptable. For me, this means that the existing sanctions regime should now also be used against Mr Dodik." – Foreign Minister @ABaerbock after today's Foreign Affairs Council. #FAC pic.twitter.com/o9dwUP0JHM

— Germany in the EU (@germanyintheeu) December 13, 2021

“Përpjekjet për t’u shkëputur janë të papranueshme – dhe unë kam lobuar për këtë këtu – që regjimi ekzistues i sanksioneve duhet të përdoret gjithashtu kundër Dodik tani”, tha Baerbock.

Thirrja e ministres së Jashtme Baerbock për sanksione ndaj Dodik u bën jehonë komenteve të ngjashme nga paraardhësi i saj, Heiko Maas, në nëntor.

Në atë kohë, Maas paralajmëroi se BE nuk mund të jetë “indiferente” ndaj nxitjes së destabilitetit të Dodikut në vendin ballkanik. /Telegrafi/