Si filloi karriera në boks, stërvitja me Dominic Boesel dhe qëllimet për të ardhmen – Altin Zogaj i rrëfen të gjitha

Altin Zogaj është sensacioni më i ri në bosk, derisa një sukses të madh ai tashmë e ka arritur në Gjermani.

Në një intervistë për Duelin Sportiv të RTV Dukagjinit, boksieri kosovar ka folur për rrugën e tij deri të triumfi.

“Para tri viteve kam filluar karrierën si profesionist, në vitin 2018. Në fillim ishte një start i mirë, por pandemia i vështirësoi gjërat”, ka thënë fillimisht Zogaj”.

“Në këtë rrugëtim më ka ndihmuar shumë familja, e për model si fëmijë e kam shikuar Luan Krasniqin, por pastaj kur fillova të interesohesha për boks, i kam shikuar vëllezërit Kltischko, mënyrën se si kanë boksuar”.

“Për të fituar duelin e fundit, kam ushtruar për 13 javë, e që në sparring kam qenë partner i kundërshtarit të Haxhi Krasniqit, Dominic Boesel”.

“Kur e kam përfunduar atë fazë, ja kthyer në ekipin tim. Në stërvitje me Boesel kamë mësuar shumë, pasi ai është tani kampion bote dhe jam motivuar shumë nga ai, pasi ai më tha se nuk qëndrojë larg tyre dhe në të ardhmen ëndërrojë që të bëhem kampion bote”, ka shtuar më tej ai.

Intervistën e plotë të talentit kosovar në boks dhënë RTV Dukagjinit, mund ta shikoni më poshtë. /Telegrafi/