“Kam bërë gjëra që nuk ishin të pranueshme si bashkëshort”, Kanye West pranon gabimet në martesë ndërsa shpreson për një rikthim me Kimin

Kanye West tha të mërkurën se Zoti do ta ribashkojë atë dhe ish-gruan Kim Kardashian, pasi ai pranoi se kishte bërë ‘gabime’ në martesën e tij.

West, 44 vjeç, foli për martesën e tij teksa u shfaq në eventin e LA Mission për të ofruar 1000 vakte në Skid Row përpara Ditës së Falënderimeve, shkruan DailyMail.

“Rrëfimi që Zoti dëshiron është të shohë se ne mund të shpengohemi në të gjitha këto marrëdhënie”, tha fituesi i Grammy-t, sipas Page Six. “Ne kemi bërë gabime. Unë kam bërë gabime”.

Ai vazhdoi: “Kam bërë publikisht gjëra që nuk ishin të pranueshme si bashkëshort, por tani sot, për çfarëdo arsye – nuk e dija se do të isha përballë këtij mikrofoni – por jam këtu për të ndryshuar”.

Kanye foli për statusin e lidhjes pasi romanca e re e Kardashian me Pete Davidson vazhdon të jetë në titujt kryesorë të mediave rozë.

West, i cili ka katër fëmijë me Kardashian – North, tetë vjeçe, Saint, pesë vjeç, Chicago, tri vjeçe dhe Psalm, dy muajsh – tha se prindërimi mbetet prioriteti i tij më i rëndësishëm në mes të kohës së trazuar.

“Duhet të jem pranë fëmijëve të mi sa më shumë që të jetë e mundur”, tha ai. “Pra, kur jam jashtë shtëpisë, kam një shtëpi pranë shtëpisë. Unë po bëj gjithçka për të qenë pranë situatës”.

Fituesi i Grammy-t shtoi: “Po përpiqem ta shpreh këtë në mënyrën më të arsyeshme, në mënyrën më të qetë të mundshme, por duhet të kthehem në shtëpi”.
Në fjalimin e tij, West foli gjithashtu për ndikimin e madh që ai dhe ish-gruaja e tij kanë në publik dhe aludoi për pabarazitë ekonomike me të cilat përballet vendi.

“Nëse armiku mund ta ndajë Kimin nga Kanye, do të ketë miliona familje që mendojnë se ndarja është në rregull”, tha ai, “por kur Zoti ta bashkojë Kimin me Kanyen, do të ketë miliona familje që do të ndikohen për të parë se si ata mund të kapërcejnë punën e ndarjes, të traumës që djalli ka përdorur për të kapitalizuar për t’i mbajtur njerëzit në mjerim, ndërsa njerëzit shkelin njerëzit e pastrehë për të shkuar në dyqanin Gucci”.

Një pjesëmarrës i tha Page Six se pamja e superyllit të muzikës erdhi ‘nën radar’ dhe se ai foli gjithashtu për ambiciet që ka për misionin.

Burimi tha se West “nuk kishte qenë kurrë atje dhe donte të shihte gjithçka që po ndodhte”, dhe “foli për shpëtimin e botës dhe se si i kishte të gjitha këto ide për të punuar me LA Mission”.

Kanye tha gjithashtu se ai pa Kimin dhe fëmijët e tyre atë ditë: “Kjo Ditë Falënderimi ka të bëjë me rivendosjen e familjeve. Rikthe Ditën e Falënderimeve. Këtë mëngjes u ndjeva kaq i bekuar që u zgjova, bëja një stërvitje dhe isha në gjendje të shkoja me makinë në shtëpinë time dhe të shihja gruan dhe fëmijët e mi. Ashtu është, thashë gruaja ime dhe fëmijët e mi, dhe dua që të gjithë të luten që familja ime ta mbajë familjen tonë të plotë”.

Në këtë event, artisti i famshëm veshi një xhaketë lëkure të zezë mbi një bluzë të zezë me xhinse të dizajnuara, aksesorë me një kapele të zezë dhe çizme të mëdha të zeza.

West foli disa ditë pasi Kardashian dhe Pete Davidson, 28 vjeç, u panë së bashku për një darkë romantike në restorantin luksoz “Giorgio Baldi” në Santa Monica, Kaliforni.

Pas paraqitjes së divorcit të Kardashian shkurtin e kaluar, West ka qenë i lidhur me modelet Irina Shayk, 35 vjeçe dhe Vinetria, 22 vjeçe.

Ndërkohë, i dashuri i ri i Kimit, Pete, ka qenë më parë e lidhur në mënyrë romantike me një mori të famshmesh, duke përfshirë yllin e serialit “Bridgerton”, Phoebe Dynevor, Kate Beckinsale dhe ish-të fejuarën e tij Ariana Grande. /Telegrafi/