Merkel: BE-ja duhet të jetë e gatshme për sanksione të reja ndaj Rusisë

Bashkimi Evropian duhet të jetë i përgatitur për të miratuar më shumë sanksione kundër Rusisë nëse situata në dhe rreth Ukrainës lindore ose në kufirin Bjellorusi-Poloni përshkallëzohet, tha sot kancelarja gjermane, Angela Merkel.

Merkel foli në telefon me presidentin ukrainas, Volodymyr Zelenskiy dhe kryeministrin polak, Mateusz Morawiecki.

Rusia dhe Ukraina organizuan stërvitje ushtarake këtë javë pas tensioneve në rritje midis Kievit dhe Moskës, ndërsa mijëra emigrantë nga Lindja e Mesme gjersa pika të tjera të nxehta janë bllokuar në kufirin lindor të Bashkimit Evropian, në atë që blloku thotë se është një krizë e krijuar nga presidenti bjellorus, Alexander Lukashenko, transmeton Telegrafi.

Ich habe Premierminister @MorawieckiM die volle Solidarität Deutschlands ausgesprochen. Es war mir sehr wichtig, die aktuelle Sicht Polens zu hören – Kanzlerin #Merkel beim Besuch des polnischen Premierministers @MorawieckiM zur Situation an der Grenze zu #Belarus. pic.twitter.com/lsBRl9K96B

— Steffen Seibert (@RegSprecherStS) November 25, 2021

Në bisedën e saj me Zelenskiyn, liderja gjermane në largim shprehu mbështetjen e saj dhe vuri në dukje se çdo përpjekje për të minuar pavarësinë e Ukrainës, “nuk do të kalonte pa pasoja”, por se qetësimi i situatës duhet të jetë gjithmonë opsioni i preferuar, shkroi zëdhënësi i saj, Steffen Seibert në Twitter. “Bashkimi Evropian duhet të jetë i përgatitur për të miratuar më shumë sanksione kundër Rusisë”, tha Merkel

Polonia ka vendosur ushtrinë dhe policinë në kufirin e saj me Bjellorusinë për të parandaluar kalimin e grupeve të emigrantëve. Morawiecki tha se duke bërë këtë, Polonia po mbronte BE-në dhe Gjermaninë nga një “valë e madhe” emigrantësh gjersa më tutje deklaroi se blloku duhet të konsiderojë sanksione të reja kundër Minskut.

Ndërkohë, Merkel pohoi “se Polonia po bënte gjithçka që ishte e mundur për të shmangur çdo përshkallëzim të mëtejshëm në kufi” gjersa ngriti shqetësime për kushtet sfiduese me të cilat përballen emigrantët nga të dyja palët.

“Ne kemi një interes që njerëzit në Bjellorusi të kujdesen në mënyrë humane,” tha Merkel. “Ne kemi diskutuar gjithashtu situatën humanitare në anën polake të kufirit”, përfundoi ajo. /Telegrafi/

Kanzlerin #Merkel hat in einem Telefonat mit dem Präsidenten der Ukraine, Wolodymyr #Selensky, ihre Unterstützung für die Unabhängigkeit, Souveränität und territoriale Integrität der #Ukraine betont. pic.twitter.com/dLxcFC0Fui

— Steffen Seibert (@RegSprecherStS) November 25, 2021