Në spitalin e Bostonit do të nisë testimi i parë njerëzor i vaksinës për sëmundjen e Alzheimerit
Brigham and Women’s Hospital do të testojë sigurinë dhe efikasitetin e një vaksine nazale që synon parandalimin dhe ngadalësimin e sëmundjes së Alzheimerit, njoftoi të martën spitali i Bostonit.
Fillimi i provës së vogël klinike të fazës së parë vjen pas gati 20 vitesh kërkimi të udhëhequr nga Howard L. Weiner, MD, bashkëdrejtor i Qendrës Ann Romney për Sëmundjet Neurologjike në spital.
Prova do të përfshijë 16 pjesëmarrës nga mosha 60 deri në 85 vjeç, të gjithë me Alzheimer të hershëm simptomatik, por përgjithësisht të shëndetshëm. Ata do të marrin dy doza të vaksinës me një distancë prej një jave, tha spitali në një deklaratë për shtyp. Pjesëmarrësit do të regjistrohen nga Qendra Ann Romney, shkruan CBS News.
Një provë klinike e fazës së parë është krijuar për të përcaktuar sigurinë dhe dozën për një mjekim të ri të mundshëm. Nëse shkon mirë, do të nevojitet një provë shumë më e madhe për të testuar efektivitetin e tij.
Vaksina përdor një substancë të quajtur Protollin, e cila stimulon sistemin imunitar. “Protollin është projektuar për të aktivizuar qelizat e bardha të gjakut që gjenden në nyjat limfatike në anët dhe në pjesën e pasme të qafës për të migruar në tru dhe për të shkaktuar pastrimin e pllakave beta amiloide – një nga shenjat dalluese të sëmundjes së Alzheimerit”, shpjegon spitali. Ai vëren se Protollin është gjetur të jetë i sigurt në vaksina të tjera.
“Lansimi i testimit të parë njerëzor të një vaksine hundore për Alzheimer është një moment historik i jashtëzakonshëm”, tha Weiner në deklaratën për shtyp të spitalit.
“Gjatë dy dekadave të fundit, ne kemi grumbulluar prova para-klinike që sugjerojnë potencialin e kësaj vaksine nazale për alzheimerin. Nëse provat klinike te njerëzit tregojnë se vaksina është e sigurt dhe efektive, kjo mund të përfaqësojë një trajtim jo-toksik për njerëzit me Alzheimer, dhe mund të jepet edhe herët për të ndihmuar në parandalimin e Alzheimerit te njerëzit në rrezik”.
Studiuesit mjekësorë në mbarë botën kanë punuar për vite me radhë për të zhvilluar ilaçe të reja për të trajtuar ose ngadalësuar Alzheimerin, shkaku më i zakonshëm i demencës. Por shumë nga medikamentet eksperimentale që dikur dukeshin premtuese në studimet e hershme nuk kanë arritur, duke i lënë pacientët dhe familjet e tyre me pak opsione të mira trajtimi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Çfarë është sindroma e dhimbjes miofasciale që shkakton ngurtësi të vazhdueshme?
Shkencëtarët zbuluan se sa orë në ditë duhet të ulemi, të flemë, të qëndrojmë në këmbë dhe të ushtrohemi
Është miratuar një trajtim i ri për një lloj kanceri të fshikëzës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'