Refugjatët sirianë përballen me kërcënimin e dëbimit nga Turqia pasi akuzohen se kishin ngrënë banane në mënyrë “provokative”

Refugjatët sirianë përballen me kërcënimin e dëbimit pasi autoritetet turke arrestuan 11 prej tyre, me akuzën se kishin ngrënë banane në mënyrë “provokative” në postimet në mediat sociale.

Sipas mediave të huaja, përcjell Telegrafi, Departamenti i Policisë së Stambollit mori masa ndaj 31 të dyshuarve në total në rastin e bananeve, duke arrestuar 11, sipas mediave turke.

Bir Türk vatandaşının "Biz muz yiyemiyoruz" demesinin ardından Suriyeliler TikTok'ta "Muz yeme" akımı başlattı.
Çok sayıda Suriyeli, Türk halkının yaşadığı ekonomik sıkıntılar ile muz yiyerek dalga geçmeye başladı. pic.twitter.com/noIPDBedVf

— Aykırı (@aykiricomtr) October 25, 2021

Rasti i bananeve filloi kur një video u postua në mediat sociale në të cilën një turk në Stamboll ankohej se “nuk mund të përballonte të blinte banane”, ndërsa sirianët mund të përballonin “konsumimin e disa kilogramë bananeve”.

Kjo pamje video shkaktoi një polemikë të madhe mes sirianëve që banojnë në Turqi, pasi “pionierët e mediave sociale” shpërndanë lloje të ndryshme imazhesh satirike, të gjitha të lidhura me ngrënien e bananeve nga ana e tyre.

Türkiye’de yaşayan Suriye’liler sosyal medyada muz yeme akımı başlattı pic.twitter.com/3xUvPSFvFm

— Politic Türk (@politicturk) October 25, 2021

Dhe turqit vlerësuan se këto video “talleshin me vështirësitë ekonomike të qytetarëve turq” përballë inflacionit dhe zhvlerësimit të monedhës kombëtare.

Brenda një jave, çështja u përshkallëzua dhe më 28 tetor, autoritetet turke arrestuan 7 refugjatë sirianë që shpërndanin video për bananet, me akuzën e “nxitjes së njerëzve në urrejtje dhe poshtërim”.

TikTok’ta “Assaf.alassaf” isimli bir kullanıcının ise efekt kullanarak kafasına muz eklediği görüldü. Kullanıcı videoyu “En iyi filtre” ifadeleriyle paylaştı. pic.twitter.com/EdTkz1T0of

— Aykırı (@aykiricomtr) October 25, 2021

Madje, Shërbimi Turk i Emigracionit tha se do t’i dëbojë ata pas përfundimit të procedurave të nevojshme ligjore.

Rreth 4 milionë sirianë jetojnë në Turqi, sipas statistikave zyrtare turke. /Telegrafi/