Ekspertja tregon çfarë shkoi keq me zgjatimet e Angelina Jolies

Edhe të famshmit kanë ditë të këqija me flokët, dhe kjo është pikërisht ajo që ndodhi me Angelina Jolie të dielën, kur ajo shkoi në tapetin e kuq në premierën e Festivalit të Filmit në Romë për filmin “Eternals”

Zgjatimet e pabarabarta të flokëve të saj tronditën fansat në rrjetet sociale.

“Tani, unë nuk jam parukiere, por kushdo që ka bërë zgjatjen e flokëve të Angelina Jolie e ka bërë gabim dhe/ose i dehur”, shkroi një person në Twitter, ndërsa një tjetër thjesht tha, “dikush do pushohet nga puna”.

Por si ka mundur që një nga femrat më të famshme në botë të ketë pësuar një fatkeqësi kaq të madhe?

Lexo po ashtu Fansat mendojnë se kushdo që u kujdes për flokët e Angelina Jolie gjatë daljes së fundit duhet të pushohet nga puna

Sipas ekspertes së zgjatimeve të vajzave të famshme, Priscilla Valles, gabimi i bukurisë së Jolie erdhi nga dendësia dhe vendosja jo e duhur e zgjatjes.

“Ajo që shkoi keq me këtë pamje është se nuk ka zgjatime të mjaftueshme dhe ato nuk janë lart”, tha Valles për Page Six Style, duke shtuar se vendosja e saktë përfshin “fillimisht vendosjen e zgjatjeve sipër, dhe më pas ndërtimin e tyre dhe krijimin e sigurisë që ka mjaftueshëm në mënyrë që të mos shihni një vijë, e cila ishte e dukshme te Angelina”.

Një tjetër gabim shtesë që ajo sheh shpesh? Një ndeshje e keqe mes ngjyrash.

“Edhe nëse keni sasinë e duhur të shtesave dhe i vendosni ato siç duhet, ngjyra që nuk është e duhur shkatërron të gjithë pamjen”, tha Valles. “Majat duhet të jenë gjithmonë gjysmë nuance më të çelura, ashtu siç do të ishin natyrshëm flokët nga rrënja në fund”. /Telegrafi/