Zaev: Përparimi ynë në integrimet evropiane duhet të varet kryesisht nga reformat e brendshme

Të gjitha vendet anëtare të BE -së kanë pranuar Vendimin e KE-së të marsit 2020 dhe ranë dakord që integrimi i partnerëve të Ballkanit Perëndimor në BE është një investim gjeostrategjik në paqe, stabilitet, siguri dhe rritje ekonomike në të gjithë kontinentin dhe se Ballkani Perëndimor janë pjesë përbërëse të Evropës dhe prioritet gjeostrategjik për BE -në. Fatkeqësisht, Bullgaria bllokoi këtë vendim dhe kjo bllokadë është ende aktive. Sinqerisht shpresoj se mesazhet tuaja nga ky forum do të jenë pjesë e shtysës së re që është aq e nevojshme në këtë moment dhe se më 6 tetor në Slloveni do të ndërmerren hapat e nevojshëm për të zhbllokuar zgjerimin e BE -së.

Këtë e deklaroi kryeministri Zoran Zaev në fjalimin hyrës të Forumit të Tetë të Shoqërisë Civile në Ballkanin Perëndimor, i cili po mbahet sot dhe nesër në Shkup, organizuar nga Komiteti Ekonomik dhe Social Evropian.

Ai theksoi se tema e parë e debatit të forumit – Forcimi i procesit të pranimit – perspektiva e besueshme e BE-së për Ballkanin Perëndimor është një temë e vërtetë në kohën e duhur me rëndësi të jashtëzakonshme për Ballkanin Perëndimor dhe Bashkimin Evropian për shkak të bllokadës së imponuar të zgjerimit që vë në dyshim interesin strategjik të Brukselit për zgjerimin e Bashkimit në vendet në një rajon me rëndësi strategjike vendimtare për Evropën.

“Përparimi ynë në integrimin në BE duhet të varet kryesisht nga reformat e brendshme që lidhen me kapitujt, legjislacionin e BE-së dhe arritjen e standardeve evropiane, dhe ne, në frymën e marrëdhënieve fqinjësore të mira evropiane, do të intensifikojmë bisedimet me Bullgarinë me një vullnet të sinqertë për të ndërmarrë hapa më afër zgjidhje për çështjet tona dypalëshe. Në mënyrë që të rikthehet besimi në zgjerim dhe të forcohen mekanizmat e BE-së për zbatimin efektiv të procesit të integrimit dhe anëtarësimin e aleatëve të tij natyrorë në Ballkanin Perëndimor, Brukseli duhet t’u sigurojë qasje të parezervë udhëheqësve politikë dhe përfaqësuesve të organizatave të shoqërisë civile nga ky rajon të marrë pjesë në aktivitetet në kuadër të Konferencës për Ardhmërinë e Evropës, sepse Ballkani Perëndimor është pjesë e pandashme e Bashkimit Evropian”, tha Zaev./Telegrafi/