Duke shkuar drejt së ardhmes: Ky model i BMW parkohet vet, ngarkohet dhe shkon në autolarje
Videoja tregon shoferin që zbret nga automjeti, dhe gjithçka tjetër bëhet me automatizim.
Vizitorët në Motor Show në Munih të mbajtur së fundmi mund të shohin një demonstrim interesant të parkimit të automatizuar, me BMW iX elektrike në rolin kryesor.
Videoja tregon shoferin që zbret nga vetura dhe më pas përdor aplikacionin në telefonin inteligjent për të filluar funksionin e vetë-parkimit.
Duke përdorur një kombinim të sensorëve dhe kamerave në vetë automjetin, si dhe ato të vendosura në të gjithë parkingun, SUV është në gjendje të lëvizë në mënyrë të pavarur në hapësirën e synuar të parkimit. Pastaj aktivizohet një krah robotik, me të cilin vetura lidhet me ngarkuesin përmes një kabllo.
Pamjet madje tregojnë BMW që i afrohet një larjeje të automatizuar të veturave në parking, megjithëse nuk e shihni momentin kur SUV kalon përmes lavazhit. Sidoqoftë, pika është e qartë – shoferi gjithashtu mund ta kryejë këtë operacion përmes aplikacionit.
Kur kthehet në parking, e tëra çfarë duhet të bëjë është të telefonojë veturën e tij përmes smartphone -it për t’u kthyer në vendin ku e ka lënë – e larë dhe e mbushur me bateri.
Pas këtij sistemi të automatizuar qëndron Bosch, i cili ka punuar në të që nga viti 2015 së bashku me prodhuesit e makinave, përfshirë Daimler. /Telegrafi/
https://youtu.be/Cn6Tw5Ilwo0
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251