Kur flokët janë të ngjitura kur zgjoheni nga gjumi, rregulloni modelin e flokëve në pesë minuta

Llaku i flokëve ndihmon që ta fshihni “lulen” në majën e kokës

Çdo grua pëlqen që modeli i flokëve të saj të zgjasë sa më shumë, por ne kemi “armiq” të shumtë që na pengojnë në këtë – era, kapela, gjumi, nxehtësia, djersitja…

Ne kemi gjetur një zgjidhje, ajo konsiston në aplikimin e një produkti të gjeneratës më të re dhe riparimin me kujdes të flokëve me tharëse flokësh, transmeton Telegrafi.

Së pari ju duhet që t’i spërkatni pjesët e flokëve që dëshironi të rregulloni me ujë, duke përdorur një shishe me spërkatëse. Pastaj aplikoni një llak për ngritjen e flokëve nga rrënjët.

Tani thajini këto pjesë, duke i pastruar gjithmonë lart, në drejtim të tavanit.

Dhe në fund ftohni mirë flokët, duke i tharë me tharëse flokësh që është rregulluar të fryjë ftohtë dhe duke i krehur ende në të njëjtin drejtim.

Formoni me lehtësi modelin e flokëve, duke u kujdesur që “lulja” në majën e kokës të jetë e mbuluar.

Nëse dëshironi, ju gjithashtu mund t’i thani flokët me kujdes në atë pjesë.

“Kujdes” do të thotë që krehri të kalohet vetëm mbi rrënjë – jo më shumë se 1 – 3 cm dhe se flokët nuk tërhiqen në mënyrë agresive në tufa të ngushta të flokëve kur i rregullojmë me gishta.

Mjafton ta bëni atë me shumë butësi, me vetëm dy ose tri tufa, dhe pastaj të lëmoni flokët nga lart.

/Telegrafi/