Tornado e fuqishme shkatërroi një ishull në Itali, të paktën dy të vdekur

Dy persona u vranë nga një tornado në ishullin e vogël italian, Pantelleria në Mesdhe gjersa disa u plagosën dhe u shkaktuan dëme materiale.

Tornado goditi ishullin në jug të Sicilisë gjatë orëve të para të mbrëmjes së kaluar.

“Për shkak të stuhisë së madhe, shtyllat u përkulën, çatitë u dëmtuan dhe pemët u rrëzuan”, thanë zjarrfikësit, raportoi AP. Ky ishull është i banuar kryesisht nga njerëz që janë me pushime.

#Italy #Pantelleria > #tornado aftermath, damage

🎥 pic.twitter.com/0hMnYwepjB

— Michael Barthel (@RealMiBaWi) September 11, 2021

Agjencia italiane e lajmeve ANSA tha se një zjarrfikës dhe një burrë 86-vjeçar ishin mes të vdekurve.

Viktimat ishin në vetura, të cilat fluturuan në ajër dhe u përmbysën, dhe të paktën një makinë ra në çati, ndërsa tjetrës i ishte thyer pjesa e përparme.

Nëntë persona janë në mesin e të plagosurve, dy prej të cilëve në gjendje kritike, tha kryebashkiaku i Pantelleria, Vincenzo Vittorio Campo, për TV Sky TG24, dhe deri më tani nuk ka asnjë informacion për të zhdukurit. /Telegrafi/

Lutto cittadino oggi a #Pantelleria dopo la tromba d’aria che ha colpito l’isola ieri pomeriggio, provocando la morte di 2 persone. Nove i feriti, alcune case distrutte, decine le auto sollevate dalla tempesta. Il punto con Letizia Vella #Gr1 pic.twitter.com/1GNYtjwCoT

— Rai Radio1 (@Radio1Rai) September 11, 2021