Gjermania përfundon misionin në Afganistan, largohet nga aeroporti i Kabulit

Ministria gjermane e mbrojtjes ka konfirmuar se vendi i ka dhënë fund misionit të evakuimit në Afganistan.

Ministrja Federale e Mbrojtjes, Annegret Kramp-Karrenbauer tha se aeroplani dhe trupat e fundit ushtarake gjermane kishin mbërritur në Tashkent, Uzbekistan.

“Pasdite pati disa sulme me bombë në afërsi të aeroportit në Kabul. Ushtarët gjermanë nuk u lënduan. Si rezultat, kontingjenti ynë nxiti planet e urgjencës për një nisje emergjente dhe u largua nga aeroporti”, shkroi ajo në Twitter.

Im Umfeld des Flughafens in Kabul hat es am Nachmittag mehrere Bombenanschläge gegeben. Deutsche Soldatinnen & Soldaten wurden dabei nicht verletzt. Infolgedessen hat unser Kontingent die Notfallpläne für eine #EmergencyDeparture ausgelöst und den Flughafen verlassen. 1/15

— A. Kramp-Karrenbauer (@akk) August 26, 2021

Kancelarja gjermane, Angela Merkel tha se ata që nuk kanë qenë ende në gjendje të kenë qasje në fluturimet e evakuimit nga Kabuli nuk do të harrohen, duke shtuar se Ministria e Jashtme gjermane është ende në negociata me talebanët.

Lexo po ashtu Dalin imazhet e para pas shpërthimit të madh në Kabul (Pamje të rënda)

“Ne e dimë se dritarja e mundësive po mbyllet. Dhjetëra mijëra njerëz janë shpëtuar, por dua të them përsëri sot: ne nuk do t’i harrojmë ata njerëz që nuk mund të shpëtoheshin nga ura ajrore. Përkundrazi, ne do të bëjmë gjithçka që mundemi për të mundësuar evakuimin e tyre”, tha Merkel.

Ndryshe, përmes përpjekjeve të transportit ajror, Gjermania arriti të evakuojë në mënyrë të sigurt mbi 5,100 njerëz, përfshirë më shumë se 3,600 afganë. /Telegrafi/